ކޮވިޑު ކޭސްތައް މިއަދު ހުރީ 500 އިން މަތީގަ
ރާއްޖެއިން މިއަދު ކޮވިޑަށް ޕޮޒިޓިވް ވި މީހުންގެ ޢަދަދު 500 އިން މައްޗަށް އަރައިފި އެވެ.
އޗްޕީއޭ ގެ ތަފާސް ހިސާބުން ދައްކާ ގޮތުގައި މިއަދު ވަނީ 590 މީހުން ކޮވިޑަށް ޕޮޒިޓިވް ވެފަ އެވެ.
އޭގެ ތެރޭގައި ހިމެނެނީ މާލެ ސަރަހައްދުން 389 މީހުންނާއި އަތޮޅުތަކުން 195 މީހުން ނެވެ. އަދި އޮޕަރޭޝަނަލް ރިސޯޓުތަކުން 6 މީހުން ނެވެ.
އެހެންކަމުން މިހައިތަަނަށް 67538 މީހުންނަށް ވަނީ ރާއްޖެއިން ކޮވިޑު ބަލި ޖެހިފަ އެވެ.
ފާއިތުވި 24 ގަޑި އިރު 5256 ސާމްޕަލް ނަގާފައިވާ އިރު، އެކްޓިވް ކޭސްގެ ޢަދަދަކީ 20014 އެވެ. އަދި ހޮސްޕިޓަލުގައި އެޑްމިޓްކޮށްގެން 191 މީހުންނަށް އަންނަނީ ފަރުވާ ދެމުން ނެވެ.
ރާއްޖެއިން ކޮވިޑު ޖެހުނު މީހުންގެ ތެރެއިން 182 މީހުން މިހައިތަނަށް ނިޔާވެފައިވާ އިރު، 47333 މީހުން ވަނީ މިބަލިން ރަނގަޅުވެފަ އެވެ.
✳️ COVID-19 : Case Updates
Out of the 590 cases being reported today, 461 cases are positive cases from samples collected between 6pm of 4th June and 6pm of 5th June. pic.twitter.com/6bYh7kESjK
— Health Protection Agency (@HPA_MV) June 5, 2021