ބޮން ގޮއްވާލި މައްސަލައާއި ގުޅިގެން ދެމީހަކު ހައްޔަރުކޮށްފި

ރައީސް ނަޝީދަށް އަމާޒުކޮށް ދިން ޓެރަރިސްޓް ހަމަލާއާއި ގުޅިގެން ދެމީހަކު ހައްޔަރު ކޮށްފިއެވެ.

މައުލޫމާތު ލިބުނު ގޮތުގައި މި ދެ މީހުން ހައްޔަރު ކޮށްފައި ވަނީ ބާ އިންޖީނުގޭ ހުންނަ އަލިކިލެގެފާނު މަގުގައި ހުންނަ ގެއެއް ބަލައި ފާސްކުރުމުގެތެރެއިން އެ ގެެއިންނެވެ. އެއީ އެ ސަރަހައްދުގައި ހުރި މޫސާފިރީން ޕްރައިވެޓް ލިމިޓެޑް ކުންފުނީގެ އޮފީސް ހުރި ދިމާ ގޯޅީގައި ހުރި ގެއެކެވެ. އެ ގެއަކީ ގަދަފެހި ކަމަށް އެނގިފައިވެއެވެ.

އިޝްތިހާރު

ރައީސް ނަޝީދަށް އަމާޒުކޮށްގެން ދިން މި ޓެރަރިސްޓު ހަމަލާ އާއި ގުޅިގެން މީހަކު ހައްޔަރު ކޮށްފައި މިވަނީ މި ހާދިސާ ހިނގިތާ 38 ގަޑިއިރަށް ވުރެ ވެސް ގިނަ އިރުވި ފަހުންނެވެ.

މި ހަމަލާއާއި ގުޅިގެން ރައީސް ނަޝީދަށް މިހާރު އޭޑީކޭގައި ފަރުވާދެމުންއަންނައިރު، އެމަނިކުފާނުގެ ހާލުކޮޅު ރަނގަޅު ވަމުން އަންނަ ކަމަށް އާއިލާއިން ބުނެއެވެ. އަދި ރައީސް ނަޝީދަށް މިހާރު ވާހަކަފުޅު ދެކެވެމުންދާ ކަމަށް ވެސް އާއިލާއިން ބުނެއެވެ.

ނަޝީދަށް އަމާޒުކޮށް ހަމަލާ ދީފައި ވަނީ އެމަނިކުފާނުގެ ގެކޮޅުކަމަށްވާ ކެނެރީގެ އިން ނުކުމެވަޑައިގެން ކާރަށް އަރައި ވަޑައިގަންނަވަނިކޮށެވެ.