ރައްޔިތުންގެ މަޖިލީހުގެ ކުއްލި ޖަލްސާއެއް މިރޭ
ރައީސް ނަޝީދަށް ދިން ހަމަލާއާއި ގުޅިގެން ރައްޔިތުންގެ މަޖިލީހުގެ ކުއްލި ޖަލްސާއެއް މިރޭ ބޭއްވުމަށް ނިންމައިފިއެވެ.
މަޖިލީހުގެ އިދާރާއިން ބުނެފައި ވަނީ، ޖަލްސާ ބޭއްވުމަށް ނިންމާފައި ވަނީ މިރޭ 10:45ގައި ކަމަށާއި، ހުރިހާ މެމްބަރުންނަށް ޖަލްސާގެ ނޯޓިސް ވެސް ފޮނުވާފައިވާ ކަމަށެވެ. އަދި މި ޖަލްސާ ބޭއްވުމަށް ހުށަހަޅާފައި ވަނީ މަޖިލީހުގެ ނައިބު ރައީސާ އީވާ ޢަބްދު ﷲ އެވެ.
ކުއްލި ގޮތަކަށް މިރޭ ޖަލްސާ ބޭއްވުމަށް ހަމަޖައްސާފައި މި ވަނީ، ރައްޔިތުންގެ މަޖިލީހުގެ ރައީސް އަދި ކުރީގެ ރައީސުލް ޖުމްހޫރިއްޔާ މުޙައްމަދު ނަޝީދަށް މިރޭ ދިން ނުރައްކާތެރި ޙަމަލާއާއި ގުޅިގެންނެވެ.
މިރޭ 9:00 ހާއިރު އެއްޗެއް ގޮއްވާލާފައި މިވަނީ ނީލޯފަރު ހިނގުމުން މަޖީދީ މަގާއިވީ ކޮޅުން އެމަނިކުފާނު ކާރަށް އަރައިވަޑައިންނަވަނިކޮށެވެ. މިހާދިސާގައި އެމަނިކުފާނުގެ ހަށިކޮޅަށް އަނިޔާވެ އޭޑީކޭ ހޮސްޕިޓަލްގައި މިހާރު ދަނީ ފަރުވާ ދެމުންނެވެ.
މިލިޔުން ކިޔާލުމުން
