މީރާގެ ޚިދުމަތްތައް ވެސް އޮންލައިންކޮށް ދިނުމަށް ނިންމައިފި
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދެމުންގެންދާ ޚިދުމަތްތައް ވެސް އޮންލައިންކޮށް ދިނުމަށް ނިންމައިފި އެވެ.
މީރާ އިން ބުނީ މިގޮތަށް ނިންމީ ކޯވިޑް-19 އާއި ގުޅިގެން އެޅި ފިޔަވަޅުތަކުގެ ދަށުން ކަމަށެވެ.
”މިގޮތަށް ނިންމީ މާލެ ސަރަހައްދުގެ ސަރުކާރު އޮފީސްތައް ހުޅުވައިގެން ޚިދުމަތް ނުދިނުމަށް ސަރުކާރުން ނިންމި ނިންމުމަށް އެއްބާރުލުން ދިނުމަށް. އެގޮތުން މީރާގެ ހުރިހާ ޚިދުމަތެއްވެސް އޮންލައިކޮށް ކުރިއެކޭ އެއްގޮތަށް ދެމުން ގެންދާނަން.“ މީރާ އިން ބުންޏެވެ.
މީރާ އިން ބުނީ ޓެކުހާއި ފީތައް މީރާ ކަނެކްޓް އަދި ވާރުޕޭ މެދުވެރިކޮށް އޮންލައިންކޮށް ދެއްކޭނެ ކަމަށާއި އެނޫން ޚިދުމަތްތައް ވެސް އޮންލައިންކޮށް ލިބޭނެ އިންތިޒާމު ހަމަޖެހިފައިވާކަމަށެވެ.
މީރާއިން ކައުންޓަރ ޚިދުމަތް މެދުކަނޑާލި ނަމަވެސް، މީރާގެ ހޮޓްލައިން 1415 ރަސްމީ ގަޑިތަކުގައި ޚިދުމަތް ދޭނެކަމަށް މީރާއިން ބުނެ އެވެ.
މާލޭ ސަރަހައްދުގައި ކޯވިޑް ކޭސްތައް އިތުރުވުމާއި ގުޅިގެން، މިމަހުގެ 15 ވަނަ ދުވަހާއި ހަމައަށް މާލެ ސަރަހައްދުގެ އޮފީސްތައް ހުޅުވައިގެން ޚިދުމަތް ނުދިނުމަށް ސަރުކާރުން ވަނީ އަންގާފައެވެ.
މިލިޔުން ކިޔާލުމުން
