އެމްއެމްޕީއާރްސީގެ މައްސަލަ ބަލާނަން، ބައެއް މެންބަރުންގެ ގޮނޑިވެސް ގެއްލިދާނެ: ނަޝީދު
އެމްއެމްޕީއާރްސީގެ ބޮޑު ހިޔާނާތުގެ މައްސަލަ ބަލާނެ ކަމަށާއި އެ ،މައްސަލަ ބަލައިފިނަމަ، މަޖިލީހުގެ ބައެއް މެމްބަރުންގެ ގޮނޑި ގެއްލިދާނެ ކަމަށް މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މިއަދު މަޖިިލީހުގެ ރިޔާސަތުގައި އިންނަވައި ވާހަކަފުުޅު ދައްކަވަމުން ރައީސް ނަޝީދު ވިދާޅުވީ އެމަނިކުފާނު މަޖިލީހުގެ ރިޔާސަތުގައި އިންނަވާހާ ހިނދަކު އެމްއެމްޕީއާރުސީގެ މައްސަލަ ނުފޮރުވޭނެ ކަމަށާއި އެއީ އެއްވެސް ޝައްކެތް އޮތްކަމެއް ނޫންކަމަށެވެ.
އަދި މީގެ އިތުރުން ނަޝީދު ވިދަޅުވީ އެމްއެމްޕީއާރުސީ ހިޔާނާތުގެ މައްސަލަ ބެލުމުގައި އެއްވެސް މަޖިލިސް މެމްބަރަކަށް ވެސް އަދި ވަޒީރަކަށް ވިޔަސް ހުރަސް ނޭޅޭނެ ކަަމަށެވެ. އަދި އެ ހިޔާނާތުގެ ހަގީގަތް ހޯއްދަވާނެ ކަމުގެ ޔަގީންކަން އެމަނިކުފާނު ދެއްވާ ކަމަށާއި އަދި އެކަމުގައި މަޖިލީހުގެ ފަރާތުން ލިބެން ޖެހޭ އެއްބާރުލުން ލިބި ރައްޔިތުން އެކަމަށް އިޖާބަ ދޭނެކަމުގެ ޔަގީންކަން އޮތް ކަށް ވެސް އެމަނިކުފާނު ވިދާޅުވި އެވެ.
އަދި މިލިއަން ޑޮލަރު ނާޖާއިޒް ގޮތުގައި އިއްޒަތްތެރި ވަޒީރުންނާއި މަޖިލީހުގެ މެމްބަރުންނަށާއި އަދި އެހެން ވެސް އިދާރާތަކުގެ އެތައް ބަޔަކަށް ލިބުނުކަން ވަރަށް ތަފްސީލްކޮށް ހެއްކާއި ގަރީނާއާއެކުގައި ވާނީ ސަރުކާރުގެ ކަމާ ބެހޭ ކޮމިޝަނަށް ހުށަހެޅިފައި ކަމަށްވެސް ނަޝީދު ވިދާޅުވެފައިވެއެވެ.
މީގެ އިތުރުން ނަޝީދު ވިދާޅުވީ 270 މީހުންނަށް ދައުވާ ކުރުމަށް މިހާރުވެސް ވަނީ ފާހަގަވެފައިކަމަށާއި އެ ދައުވާތައް ކުރިއަށް ދާނެކަމާއި މެދު ޝައްކެއް ނެތްކަމަށް ނަޝީދު ވިދާޅުވިއެވެ.
” މި މައްސަލަ ބެލޭނެ. މިކަމަށް އެއްވެސް ފަރާތަކަށް ހުރަހެއް ނޭޅޭނެ. އެއީ ޝައްކަތް އޮތްކަމެއްނޫން. މި މައްސަލަ ބަލައިފިނަމަ އިއްޒަތްތެރި ބައެއް ބޭފުޅުންގެ ގޮނޑި ގެއްލިދާނެ. މަގާމު ވެސް ގެއްލިދާނެ، އަދި އަނެއްބައި ބޭފުޅުންނަށް އިތުރު ގޮތްގޮސް ވެސް ވެދާނެ،” ރައީސް ނަޝީދު ވިދާޅުވި އެވެ.
މިލިޔުން ކިޔާލުމުން
