އިސްރާފު ކުރުމުގެ ގެއްލުން ސިއްހީ ގޮތުންނާއި މާލީ ގޮތުން ފަރުދުންނާއި މުޖުތަމައުއަށް ފޯރާނެ: ޚުތުބާ
އިސްރާފު ކުރުމުގެ ގެއްލުން ސިއްހީ ގޮތުންނާއި މާލީ ގޮތުން ފަރުދުންނާއި މުޖުތަމައުއަށް ފޯރާނެ ކަމަށް މިއަދުގެ ހުކުރު ޚުތުބާ ގައި ބުނެފި އެވެ.
ޚުތުބާގައި ބުނީ އިސްރާފު ކުރުމަކީ ޝައިޠާނާގެ އަމަލެއް ކަމަށާއި އިސްރާފު ކުރުމަކީ ކޮންމެ ކަމެއްގައި ވެސް ހައްދު ފަހަނަ އަޅައި ދިޔުން ކަމަށެވެ. އަދި އެއީ ހަމައެކަނި ކެއިން ބުއިމާ ގުޅިފައިވާ ކަމެއް ނޫން ކަމަށެވެ.
”ކާބޯތަކެތީގެ ނިއުމަތަށް ޝުކުރު ކުރުމާއި އިސްރާފު ނުކުރުން“ މި މައުޟޫއަށް ރާއްޖޭގެ އެކިކަންކޮޅުތަކަށް އިއްވި ހުކުރު ޚުތުބާގައި ބުނީ އުރެދުންތަކަށް އަރައިގަތުން ގިނަކޮށް ކުފްރުވުމާ ހަމައަށް ހިނގައްޖެނަމަ އެއީ ވެސް އެކަމުގައި އިސްރާފު ކުރުމެއް ކަމަށެވެ.
”ދެވަނަ ފަހަރަށް ބޭނުން ކުރެވިދާނެ ކާއެއްޗެހި އުކާނުލައި އެތަކެތި ބޭނުން ކުރުމަށް އިސްލާމްދީން ބާރު އަޅާ. ކާބޯތަކެއްޗަކީ މާތްﷲ ގެ ނިއުމަތެއް. އެތަކެތި އުކާލުމަކީ ނިއުމަތުގެ ވެރި ފަރާތަށް ޝުކުރު ނުކުރުން. އަދި މުދާ ހަލާކުވަންދެން ބަހައްޓާ، އެތަކެތި އުކާލުމަކީ އިސްރާފު ކުރުމަށް ވުރެން ވެސް ނުބައި ކަމެއް.“ ޚުތުބާގައިި ބުނެފައި ވެއެވެ.
މިއަދު އިސްރާފު ކުރަނީ ހަމައެކަނި މުއްސަނދިން ނޫން ކަމަށާއި އަތްމަތި ދަތި މީހުން ވެސް ކޮންމެހެން ކުރަން ނުޖެހޭ ޚަރަދުތައް ކުރަމަށްޓަކައި ދަރަނި ނަގަމުންދާ ތަން ފެންނަ ކަމަށް ޚުތުބާގައި ވަނީ ބުނެފަ އެވެ. އަދި މިއީ ޒަމާނާއެކު ތަނަވަސް މީހުންނާއި ފައި ހަމަކުރުމުގެ ބަހަނާގައި ކުރާ ކަމެއް ކަމަށް ވެސް ބުނެފައި ވެއެވެ.
އެހެންނަމަވެސް މުސްލިމުންނަކީ ލިބޭ އެއްޗަކުން ފުއްދާލައިގެން ދިރިއުޅޭ ބައެއް ކަމަށާއި ގަސް އިންދުމާއި ދަނޑު ގޮވާން ކުރުމާއި އަމިއްލަ އުފެއްދުންތެރިކަން އިތުރުކޮށް ކާބޯތަކެރި އުފެއްދުމަށް ގަދައަޅައި މަސައްކަތް ކުރުމަށް އިސްލާމް ދީން ވަރަށް ބާރު އަޅާ ކަމަށް ވެސް ޚުތުބާގައި ވަނީ ހަނދާންކޮށްދީފަ އެވެ.
”އެއީ ތިމާ ކުރާ މަސައްކަތުން އަނެކުންނަށް ލިބޭ މަންފާ އަކީ ތިމާއަށް ލިބޭ ވަރަށް ބޮޑު ދަރުމައަކާއި ސަވާބެއް. ކެއިން ބުއިމުގައި ހިފައްޓަން ޖެހޭ ދީނީ އަދި ސިއްހީ އަދަބުތަކެއްވޭ. ތެރޭގައި ކެއުމުގެ ކުރިންނާއި ފަހުން އަތްދޮވުމާއި ބިސްމި ކިއުމާއި ކަނާއަތުން ކެއުމާ، ކައި ނިމިމުން މާތް ﷲ އަށް ހަމްދު ކުރުން ހިމެނޭ.“ ހުކުރު ޚުތުބާގައި ބުނެފައި ވެއެވެ.
އިސްރާފުކުރުމުގެ ނުބައިކަން ފާހަގަކޮށް ޚުތުބާގައި ބުނީ ހެޔޮ ގޮތުގައި ކާބޯތަކެތީގެ ބޭނުން ނުހިފައި، އޭގެ ހައްގު އަދާނުކޮށް ގުދަންކޮށްފައި ބެހެއްޓުމަކީ ވެސް އިސްރާފު ކުރުން ކަމަށެެވެ.
މިލިޔުން ކިޔާލުމުން
