ތަންޒީލް ޤުރްއާން މުބާރާތުގެ ނަތީޖާ ފާޅުކޮށްފި
މިމަހުގެ 11ވަނަ ދުވަހު ފެށި ތަންޒީލް ޤުރްއާން މުބާރާތެގެ ނަތީޖާ ފާޅުކުރުން ރޭގައި ބާއްވާއިފިއެވެ.
އެކި ލެވެލް ތަކުގެ ޤުރްއާން ކޯސްތައްވެސް ހިންގާ ތަންޒީލް ޤުރްއާނުގެ މި މުބާރާތުގެ ނަތީޖާ ފާޅުކުރުމުގެ ރަސްމިއްޔާތުގައި އެކޯސްތަކުން ވަނަ ވަނައަށް އައިފަރާތްތަކަށް ހަނދާނީ ލިޔުން ދިނުންއޮތެވެ.
17 އޮކްޓޫބަރު 2019 ވީ ބުރާސްފަތި ދުވަހު ބޭއްވި ނަތީޖާ ފާޅުކުރުުގެ މި ޖަލްސާގައި ވަނަވަނައަށް އައިފަރާތްތަކަށް ހަނދާނީ ލިޔުން ބައްސަވައިދެއްވީ ޖަލްސާގެ ޝަރަފުވެރި މެހެމާން، އިންސްޓިޓިއުޓް އޮފް ހޯލީ ޤުރްއާންގެ ރައީސް އަލްފާޟިލް އިބްރާހިމް ރުޝްދީ އެވެ.
މުބާރާތުގެ ބަލައިގެން ކިޔެވުމުގެ ގޮފިން އެއްވަނަ ދަރިވަރަކަށް ދެ ކުދިން އައިސް ފައިވެއެވެ. އެއީ އައިޝަތު ތައިމާ ނިޒާމް، ފިނިވާގެ، އ.ދ.މަހިބަދޫ، އާއި މުޙައްމަދު ޒީކް އާދަމް ނަސީރު، މުނިޔާގެ، އ.ދ.މަހިބަދޫ އެވެ.
މުބާރާތުގެ ނުބަލާ ކިޔެވުމުގެ ގޮފިން އެއްވަނަ ދަރިވަރަކަށް އައިސް ފައިވަނީ މުޙައްމަދު ޒީކް އާދަމް ނަސީރު، މުނިޔާގެ، އ.ދ.މަހިބަދޫ އެވެ.
ޤިރާތު ކޯސް ލެވެލް 1ން އ.ދ.މަހިބަދޫ، މުނިޔާގޭ ފަލަކް އާދަމް ނަސީރު އެއްވަނައަށް ދިޔައިރު ޤިރާތު ކޯސް ލެވެލް 2ން އެއްވަަނައަށް ގޮސްފައިވަނީ ސ.ހިދަތޫ، ދިއްގާދޮށުގޭ ފާތިމަތު ނަދީމާއެވެ.
ތަންޒީލު ޤުރްއާން މުބާރާތުގެ މުޅި މުބާރާތުން އެއްވަނަ ދެވަނަ އަދި ތިންވަނަ ހޮވުމަށްޓަކައި 80 މާކްސް އިން މަތި ލިބުނު ހުރިހާ ދަރިވަރުންގެ މެދުގައި އޮންނަ އޮޑީޝަން މިރޭ (18 އޮކްޓޫބަރު2019) ކުރިއަށް އެބަދެއެވެ.
މިލިޔުން ކިޔާލުމުން
