ނެދަލޭންޑުގައި ބޭރަށް އިވޭގޮތަށް ބަންގި ދޭންފަށަނީ
ނެދަލޭންޑުގެ ވެރިކަންކުރާ ރަށުގައި ހުންނަ މިސްކިތަކުން ފުރަތަމަ ފަހަރަށް އެޤައުމުގައި ބޭރަށް އިވޭގޮތަށް ބަންގި ގޮވަން ނިންމާފައިވާކަމަށް ”ޑަޗް ނިއުސް“ އިން ރިޕޯޓްކޮށްފިއެވެ.
ތިމަންމެން މިއުޅެނީކީ ބަންގީގެ އަޑު ރަށުތެރޭ ގަދަކޮށްލާކަށްނޫން، އަދި އެ އަޑުގެ ސަބަބުން މީސްތަކުންގެ މެދުގައި ރުޅިވެރިކަމާ ނަފްރަތު އުފައްދާކަށްވެސް ނޫން. އަހަރުން މި މަސައްކަތްކުރަނީ އިސްލާމީ ޘަޤާފަތް ޢާއްމުކުރަން. (ބީރައްޓެހިކަން ކަނޑުވަން)“ ބްލައުވޭ މިސްކިތުގެ އިމާމް ޔާސީން އެލްފޯރކަނި ބުންޏެވެ.
”މީސްތަކުންވަނީ ”الله أكبر“ މިކަލިމަ އަކީ ފަސާދަޔާއި، ތުރާވެރިކަމާ ގުޅުވާފަ ކަލިމައެއްގެގޮތުގައި ބަލަންފަށާފައެވެ. އަދި ބައިނަލްއަޤުވާމީ ޓެރަރިސްޓު ކަލިމައެއްގެ ގޮތުގައި މިކަލިމަ ވަނީ ފަތުރާފައެވެ. ނަމަވެސް މި މިސްކިތަށް ޒިޔާރަތްކުރާމީހުންނަށް މި ކަލިމައިގެ ތަޖުރިބާ ކުރެވިފައިވާނީ އެއިން ފައިދާއާއި މަންފާ ލިބޭ ކަލިމައެއްގެ ގޮތުގައި“ އޭނާ އިތުރަށް ކިޔައިދިނެވެ.
ޔާސީން ބުނިގޮތުގައި ކްރިސްޓިއަން ޗާޗް ތަކުގެ ރަނގަބީލަށް ބާރުލިބޭ ޤާގޫނުން ބަންގީ ގެއަޑަށްވެސް ބާރުލިބެއެވެ. އެހެނީ މިދެކަމަކީވެސް ދެދީނުގެ އަޅުކަމަށް ގޮވާލާ ދެކަންތަށް ކަމުގައި ވުމެވެ. ޔާސީން ދެކޭގޮތުގައި އަޑުބަހަށްޓާނެ ބާރުމިނެއް ކައުންސިލްތަކުން ކަނޑައެޅިދާނެވެ. އެހެނަސް އެކީ އެކަން ބަނގިގޮވުން ހުއްޓުވިގެން ނުވާނެއެވެ.
ނެދަލޭންޑުގައި ދެވަނައަށް އެންމެ ގިނަމީހުން ތަބަޢަވާ ދީނަކީ އިސްލާމްދީނެވެ. އެޤައުމަށް އިސްލާމީނޫރު ފޯރާފައިވަނީ 16ވަނަ ޤަރުނުގައި އުޘްމާނީ ޚިލާފަތުގެ ދުވަސްވަރުއެވެ. އަދި އެންމެފުރަތަމަ މިސްކިތް އެޤައުމުގައި ބިނާކުރެވުނީ 17ވަނަ ޤަރުނުގައެވެ.
ބަންގިއަކީ އިސްލާމީ މަތިވެރި ޝިޢާރެކެވެ. ބަންގީގެ އަޑު ރަށުތެރޭ ގުގުމާލުމަކީ މުސްލިމުންގެ ހިތްތަކަށް ފިނިކަން ލިއްބައިދޭ ކަމެކެވެ. ބަންޤިއަށް އިޖާބަދިނުމަކީ މިސްކިތައްގޮސް ނަމާދުކުރުމެވެ. ނަމާދުކުރުން ހުއްޓާލައިފިމީހަކަށް ބަންގީގެ އަޑުއިވުން ހުއްޓިދާނެވެ.
މިލިޔުން ކިޔާލުމުން
