އެމް.އެން.ޔޫ އަށް ފަންނީ އެހީތެރިކަން ފޯރުކޮށްދިނުމާ ބެހޭ އެމް.އޯ.ޔޫ އެއްގައި ސޮއިކޮށްފި

ދިވެހިރާއްޖޭގެ ގައުމީ ޔުނިވަރސިޓީ (އެމް.އެން.ޔޫ) އަށް ފަންނީ އެހީތެރިކަން ފޯރުކޮށްދިނުމާ ބެހޭ އެމް.އޯ.ޔޫ އެއްގައި ސޮއި ކޮށްފިއެވެ.

މި އެމް.އޯ.ޔޫ އަކީ  ސްރީލަންކާގެ ސިވިލް ސްޓްރަކްޗަރިންގ އެންޑް އިންޖިނިއަރިން ކޮންސަލްޓެންޓްސް ޕްރައިވެޓް ލިމިޓެޑް (ސީ.އެސް.އީ.ސީ / CSEC) ގެ ސީ.އެސް.އާރް ޕްރޮގްރާމްގެ ދަށުން އެފަރާތުން އިސްނަގައިގެން ރާއްޖޭގެ ނެޝަނަލް ޔުނިވަރސިޓީ އާ ދެމެދު މަޝްވަރާކުރުމަށް ފަހު ސޮއިކުރި އެމް.އޯ.ޔޫ އެކެވެ.

އިޝްތިހާރު ބައިވެރވާ ފޯމު ފުރުމަށް މިތަނަށ ފިތާލާ

މި އެމް.އޯ.ޔޫގެ ދަށުން ރާއްޖޭގެ ޔުނިވަރސިޓީގެ ދަރިވަރުންނަށް ފުރަތަމަ ޑިގްރީ ގެ ކޯސްތަކަށް ސްކޮލަރޝިޕް ދިނުމާއި ދަރިވަރުންގެ އިންޓަރންޝިޕް ފުރިހަމަ ކުރުމަށް ބޭނުންވާ ތަޖުރިބާ ހޯދުމަށް އެހީތެރިވުމާއި ޔުނިވަރސިޓީގެ ލެކްޗަރާއިންނަށް ފަންނީ ތަމްރީނު ދިނުން ހިމެނެއެވެ.

މީގެއިތުރުން ރިސަރޗް ހަދާ ދަރިވަރުންނަށް އޮސްޓްރޭލިއާގެ ޔުނިވަރސިޓީ އޮފް މެލްބަން އިން ރިސަރޗް އެސިސްޓެންސް ފޯރުކޮށްދިނުމާއި ދެ ޔުނިވަރސިޓީގެ ދަރިވަރުން ގުޅިގެން އެކަޑަމިކް ލިޔުންތައް ޕަބްލިޝް ކުރުމުގެ ފުރުސަތުވެސް ދަރިވަރުންނަށް ލިބިގެންދާނެއެވެ.

ޕްރޮފެޝަނަލް ޑިވެލޮޕްމަންޓް ޕްރޮގްރާމްތަކުގެ ތެރޭގައި ގެސްޓް ލެކްޗަރަރއިންގެ ޓްރެއިނިންގތަކުގައި ބައިވެރިވުމުމުގެ ފުރުސަތާއި ބައިނަލްއަގުވާމީ ކޮންފަރެންސްތައް ރާއްޖޭގައި ބޭއްވުމުގެ ފުރުސަތުވެސް މި ފެކަލްޓީއަށް ލިބިގެންދާނެއެވެ. އަދި ސްރީލަންކާގެ އޯޕަން ޔުނިވަރސިޓީއާއި ގުޅިގެން ޑިސްޓަންސް-ލާރނިންގ ޕްރޮގްރާމްތައް ހިންގުމަށް މަޝްވަރާކުރެވިފައިވެއެވެ.

މި އެމް.އޯ.ޔޫ ގައި ސޮއިކުރުމުގެ ރަސްމިއްޔާތުގައި ވާހަކަ ދައްކަވަމުން ސީ.އެސް.އީ.ސީގެ މެނޭޖިންގ ޑިރެކްޓަރ ޝިރޮމާލް ފެނާންޑޯ ވިދާޅުވީ އެ ކުންފުންޏަކީ ރާއްޖޭގައި މިހާރުވެސް އިންޖިނިއަރިންގ މަސައްކަތްތައް ކުރަމުން އަންނަ ބަޔަކަށްވާތީ، ހާއްސަކޮށް ރާއްޖޭގެ ޒުވާނުންނަށް ސްޓްރަކްޗަރަލް އިންޖިނިއަރިންގ ދާއިރާއިން ކުރިއަށް ދިޔުމަށް ބޭނުންވާ އެހީތެރިކަން ފޯރުކޮށްދިނުމަކީ ވަރަށްބޮޑު އުފަލެއް ލިބިގެންދާ ކަމެއް ކަމަށެވެ. އަދި އަލަށް ތައާރަފް ކުރެވޭ މޮޑިއުލާ ކޮންސްރަކްޝަން ޓެކްނޮލޮޖީއާއި ދެމެހެއްޓެނެވި، ތިމާވެއްޓަށް ގެއްލުން ނުލިބޭނެފަދަ ’ގްރީން ޓެކްނޮލޮޖީސް‘ ތަކުގެ ސަބަބުން އިމާރާތްކުރުމުގެ ސިނާއަތް އިތުރަށް ފުޅާވެ، ތަނަވަސްވެގެން ދާނެކަމަށް އޭނާ ވިދާޅުވިއެވެ.

ސީ.އެސް.އީ.ސީ އަކީ ސްޓްރަކްޗަރަލް އިންޖިނިއަރިންގގެ ދާއިރާއިން އެންމެ މަތީ ފަންތީގެ ކޮންސަލްޓެންސީ ފޯރުކޮށްދޭ ބައިނަލްއަގުވާމީ ކުންފުންޏެކެވެ. އެފަރާތުން ހިންގާފައިވާ ފާހަގަ ކޮށްލެވޭ ޕްރޮޖެކްޓްތަކުގެތެރޭގައި ސްރީލަންކާގެ ކޮލޮމްބޯ ލޮޓަސް ޓަވަރ، ކްރިޝް ސްކުވެއަރ، ސިނަމަން ލައިފް، ކޮލޮމްބޯ ސިޓީ ސެންޓަރ، ޕްރައިމް ގްރޭންޑް، ޕާރލް ގްރޭންޑް، އަދި އެވިކް އެސްޓޮރިއޯ އެޕާރޓްމަންޓްސް ހިމެނެއެވެ.

މީގެއިތުރުން މިޔަންމާގެ ސްޓަރ ސިޓީ އަކީވެސް އެފަރާތުގެ އިންޖިނިއަރިން ކޮންސަލްޓެންސީގެ ދަށުން ހިންގަމުން އަންނަ ޕްރޮޖެކްޓެކެވެ. ސީއެ.ސް.އީ.ސީ ރާއްޖޭގެ ރަސްމީ އޭޖެންޓަކީ ނައިން ސިކްސްޓީ ހޯލްޑިންގްސް ޕްރައިވެޓް ލިމިޓެޑް އެވެ.

މި ކުންފުނީގެ ފަރާތުން ރާއްޖޭގައި ހިންގަމުން އަންނަ ޕްރޮޖެޓް ތަކުގެތެރޭގައި ބ. އަތޮޅުގައި ތަރައްގީކުރަމުން އަންނަ ވައްކަރު ލަގްޒަރީ ރިޒޯޓް އަދި މާލޭގައި އިމާރާތްކުރަމުން އަންނަ ނަސަންދުރަ ރެޒިޑެންސް ހިމެނެއެވެ. އެހެންކަމުން ރާއްޖޭގެ ޔުނިވަރސިޓީ އަށް އިންޖިނިއަރިންގ ދާއިރާ އިން ފަންނީ އެހީތެރިކަން ދިނުމަށްޓަކައި މި އެމް.އޯ.ޔޫ ގައި ސޮއި ކޮށް މަސައްކަތް ފެށުން ވެގެންދާނީ އިންޖިނިއަރިންގގެ ޚިދުމަތްތައް ބޭނުންވާ ރާއްޖޭގެ ސިނާއަތްތަކުގައި މަސައްކަތް ކުރާ ފަރާތްތަކާ ގުޅުންބަދަހި ވެގެންދާނެ މުހިންމު ފިޔަވަޅެކެވެ.

ރާއްޖޭގެ ވިޔަފާރި މާހައުލު ދެނެގަތުމަށާއި ރާއްޖޭގެ ވިޔަފާރިތަކާއި ގުޅުން ދެމެހެއްޓުމަށްޓަކައި ސީ.އެސް.އީ.ސީ ގެ ފަރާތުން ރާއްޖޭގެ ސްޓެރެޖިކް ޕާޓްނަރެއްގެ ގޮތުގައި ހަމަ ޖައްސާފައިވާ ކޮންސަލްޓެންޓަކީ ނައިން ސިކްސްޓީ ހޯލްޑިންގްސް ޕްރައިވެޓް ލިމިޓެޑް އެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.