ތަފާތު ބޮޑު ނަތީޖާއަކުން އާސެނަލް ބަލިކޮށް، ޗެލްސީން ޔޫރޮޕާ ލީގުގެ ޗެމްޕިއަންކަން ހޯދައިފި

އަޒަރުބައިޖާންގެ ބަކޫގައި ކުޅުނު ޔޫރޮޕާ ލީގުގެ ފައިނަލް މެޗު 1-4 ގެ ތަފާތު ބޮޑު ނަތީޖާއަކުން އާސެނަލް ބަލިކޮށް، ޗެލްސީން ޔޫރޮޕާ ލީގުގެ ޗެމްޕިއަންކަން ހޯދައިފިއެވެ.

ފުރަމަ ހާފު ފެށިގެން ކުޅުން ކުރިޔަށް ދިޔައިރު، ދެޓީމުގެ ފަރާތުންވެސް ފެނިގެން ދިޔައީ ދާދީ ހަމަ ހަމަކުޅުމެކެވެ. ދެޓީމުން ކުރެ ޓީމަކަށް ގޯލެއް ޖަހަން މާތަނަވަސް ފުރުސަތެއް ނުލިބުނު ނަމަވެސް ދެޓީމުންވެސް ވަނީ ދެ ހަކަލާއެއް ވަރު އުފައްދާފައެވެ. ނަމަވެސް އެ ހަމަލާތަކުގެ ހުރަހަކަށްވީ ދެޓީމުގެ ވެސް ގޯލް ކީޕަރުންނެވެ.

އިޝްތިހާރު

މެޗުގެ ފުރަތަމަ ފާހުގައި ގޯލެއް ފެނިގެން ނުދިޔަނަމަވެސް ދެވަނަ ހާފަށް ނުކުމެ ޗެލްސީން ވަނީ ރަނގަޅު ކުޅުމެއް ދައްކާ މެޗު އަނބުރާލާފައެވެ. އެގޮތުން އޮލިވިއާ ޖިރޫގެ ބޮލުން ގޯލުގެ ތެރެއަށް ފޮނުވާލި ހިތްގައިމުގޯލުން ޗެލްސީ ލީޑު ނެގި އިރު، އެ ގޯލަކީ އޭނާ މުބާރާތުގައި ޖެހި 11 ވަނަ ގޯލެވެ. ޖިރޫއަކީ ޔުރޮޕާ ލީގުގެ ޓޮޕް ސްކޯރާވެސް މެއެވެ.

ޗެލްސީގެ ދެވަނަ ގޯލް ޖަހާ ލީޑު ފުޅާކުރިއިރު، މި ގޯލް ކާމިޔާބުކޮށްދިނީ ޕެޑްރޯ ރޮޑްރިގޭޒް އެވެ.  ޗެލްސީގެ ތިންވަނަ ގޯލަކީ ލިބުނު ޕެނަލްޓީ އަކުން ހަޒާޑް ކާމިޔާބު ކޮށްދިން ގޯލެކެވެ.

އާސެނަލްއިން އެޓީމުގެ ހަމަ އެކަނި ގޯލު އެލެކްސް އިވޯބީ ކާމިޔާބު ކޮށްދިން އިރު، ޗެލްސީގެ ހަތަރުވަނަ ގޯލު ކާމިޔާބު ކޮށް ހަޒާޑް ވަނީ މޮޅު ޔަގީން ކޮށްދީފައެވެ.

ރޭގެ ތައްޓާ އެކު މިއީ ޗެލްސީން މި މުބާރާތް ކާމިޔާބުކުރި ދެވަނަ ފަހަރެވެ. މިގެ ކުރިން ޗެލްސީން މި މުބާރާތް ކާމިޔާބުކުރީ 2013 ވަނަ އަހަރުއެވެ.

އާސެނަލް އެންމެ ފަހުން ޔޫރަޕުގެ ތައްޓެއް ކާމިޔާބުކޮށްފައިވަނީ 1994 ވަނަ އަހަރުއެވެ.

ރޭގެ މެޗުގައި ހަޒާޑުގެ ވަދާއީ މެޗު ކުޅުނު އިރު، އޭނާގެ ފަރާތުން ތަފާތު މޮޅު ކުޅުމެއް ވަނީ ފެނިގެން ގޮސްފައެވެ. ހަޒާޑު އަންނަ ސީޒަނުގައި ފެނިގެން ދާނީ ސްޕެއިންގެ ވަރުގަދަ ބާރު ރެއާލް މެޑްރިޑުންނެވެ.