70އަހަރުގެ މީހަކު މުޅި ޤުރުއާން އެއްކޮށް 6ބިހުގައި ލިޔެފި.
ދުނިޔޭގައި އެކިއެކި ތަފާތު ކަންކަން ކުރަމުން އަންނަ މީސްމީހުންގެ ޚަބަރު ކޮންމެ ދުވަހަކު ވެސް ނޫސްތައް ފަޅުފިލުވަމުން ގެންދެއެވެ. މިފަހަރު މިއޮތީ ވަރަށް ތަފާތު ކަމެއް ކުރި މީހެއްގެ ވާހަކަ އެކެވެ.
ސައޫދީ އަރަބިއްޔާއަށް ނިސްބަތްވާ 70 އަހަރުގެ މިހަކު މުޅި ޤުރުއާން އެއްކޮށް އެންމެ 6 (ކުކުޅު) ބިމުގައި ލިޔުނު ވާހަކާއިން މުޅި ދުނިޔެއަށް ވަނީ ހައިރާންކަން ގެނުވާފައެވެ.
ސައޫދީ އަރަބިއްޔާގެ ބުރައިދާ ސިޓީއަށް ނިސްބަތްވާ އަޙްމަދު އަބްދާނަކީ، އަތުލިޔުމާއި ކެލްގަރަފީގެ މަސައްކަތް ކުރުމަށް ވަރަށް ޝައުގުވެރިވާ ފަރާތްތެކެވެ.
އޭނާ ލިޔުމުގެ މަސައްކަތުގައި އުޅޭތާ 40ހަކަށް އަހަރު ވެދާނެކަމަށް މީޑިއާތަކުން ރިޕޯޓު ކުރެއެވެ.
ހަބިހުގައި މުޅި ޤުރުއާން އެއްކޮށް ލިޔުމަކީ މާކަށް ފަސޭހަ ކަމަކަށް ނުވާނެއެވެ. އަކުރު ވަރަށް ކުދިކުދިކޮށް ލިޔެގެން ނޫނީ އެކަމެއް ކާމިޔާބެއް ނުވާނެއެވެ. އަދި އެ ބިސްތަކުގައި ލިޔެފައިވާ އެއްޗެއް ކިޔޭނީ ވެސް ބޮޑުވާ ބިއްލޫރި ފަދަ އެއްޗެއްގެ ބޭނުން ކޮށްގެންނެވެ.
މި ކަވި މަސައްކަތް، އަބްދާން ކޮށްފައިވަނީ ކޮޅަށް ހުރެގެންނެވެ. މީޑިއާތަކަށް މައުލޫމާތު ދެއްވަމުން އޭނާ ބުނީ އިށީނދެގެން އިނދެ އެހާކުދިކޮށް އަކުރުތައް ލިޔަން އުނދަގޫ ކަމަށެވެ. އެހެންކަމުން ބިސްތަކުގައި ލިޔުނު ކޮންމެ އަކުރެއް އަބްދާން ލިޔެފައިވަނީ މުޅިންވެސް ކޮޅަށް ހުރެގެންނެވެ.
70އަހަރުގެ މީހަކަށް މިވަރުގެ ބޮޑު މަސައްކަތްތެއް ކުރެވޭނީ އެކަމަށް ނުހަނު ވަރުގަދަ ލޯތްބަކާއި ޝައުގުވެރިކަމެއް ހުރެގެންނެވެ.
އަޙްމަދު އަބްދާންގެ ޢުމަރު ދިގުކުރައްވާ ހެޔޮ ރަޙްމަތް ލައްވާށިއެވެ. آمين
މިލިޔުން ކިޔާލުމުން
