ސަޢޫދީން ރާއްޖެއަށް 300 ސްކޮލަރޝިޕާއި 150 މިލިއަން ޑޮލަރުދެނީ
ސަޢުދީ ޢަރަބިއްޔާއިން ރާއްޖެއަށް 300 ސްކޮލަރޝިޕާއި 150 މިލިއަން ޑޮލަރު ދިނުމަށް ނިންމާފައިވާކަމަށް ފިޝަރީޒް މިނިސްޓަރ ޑރ. މުޙައްމަދު ޝައިނީ ވިދާޅުވެއްޖެއެވެ.
މިނިސްޓަރ ވިދާޅުވީ މިގޮތަށް ނިންމާފައިވަނީ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ސަޢުދީ އަރަބިއްޔާއަށް ކުރެއްވި ރަސްމީ ދަތުރުފުޅުގައި އެޤައުމުގެ ބައެއް އިސް ވެރިންނާއި ބައްދަލުކޮށް ކުރެއްވެވި މަޝްވަރާތަކުގައި ކަމަށެވެ.
ރައީސްގެ އެ ދަތުރުފުޅުގެ ތަފްޞީލު ދެއްވަމުން މިނިސްޓަރ ވިދާޅުވީ ރައީސްގެ މި ދަތުރުފުޅަކީ ވަރަށް ކާމިޔާބު ދަތުރުފުޅެއް ކަމަށާއި ސަޢޫދީ ޢަރަބިއްޔާއިން ރާއްޖެއަށް ދޭ 150 މިލިއަން ޑޮލަރުގެ އެހީއަކީ ވަކި ދާއިރާ އަކަށް ޚަރަދު ކުރުމަށް ދޭ ފައިސާ ނޫންކަމަށެވެ. އެހެންކަމުން މި ފައިސާއަކީ ރާއްޖޭގެ ރިޒާވަށް ލިބޭ ފައިސާކަމަށް ޑރ. ޝައިނީ ވިދާޅުވިއެވެ.
ފިޝަރީޒް މިނިސްޓަރ ޑރ. މުޙައްމަދު ޝައިނީ ވިދާޅުވީ މީގެ ކުރިން ރާއްޖެއަށް ދިން ސްކޮލަރޝިޕްގެ ޢަދަދުގެ ދެގުނައަށް ބޮޑުކޮށް، 300 ސްކޮލަރޝިޕް ދޭން ނިންމާ، އެ ސްކޮލަރޝިޕްގެ ކަންކަން ވަރަށް އަވަސް މުސްތަޤުބަލެއްގައި ހަމަޖެއްސުމަށް މަސައްކަތް ކުރައްވާނެ ކަމަށް ސައުދީގެ އެޑިއުކޭޝަން މިނިސްޓަރު ވިދާޅުވި ކަމަށެވެ.
ރައީސް ޔާމީންހެ މި ދަތުރުފުޅުގެ އިތުރު މަޢުލޫމާތު ދެއްވަމުން މިނސްޓަރ ވިދާޅުވީ ރާއްޖޭގެ ހަތަރު ސަރަޙައްދެއްގައި މައިކްރޯ ކޭނަރީ ފެކްޓްރީތަކެއް އެޅުމަށް ސަޢޫދީން އެހީވުމަށް އެއްބަސްވެފައިވާ ކަމަށާއި މައިކްރޯ ކޭނަރީ ފެކްޓްރީތަކެއް ޤާއިމް ކުރެވިއްޖެ ނަމަ ކުރަން ޖެހޭ ޚަރަދު ވަރަށް ބޮޑަށް ކުޑަވެގެންދާނެ ކަމަށެވެ.
މިލިޔުން ކިޔާލުމުން
