އެސްޓީއޯ ސުޕަރމާޓްއިން ހަގީޒް ބާޒާރަށް ނެރެފި
ދުނިޔޭގެ ގިނަ ބައެއްގެ އިތުބާރު ހޯދާފައިވާ ހަގީޒް ޑައިޕާރސް އަދި ޕެއިންޓްސް އެސްޓީއޯ ސުޕަރމާޓުން މިއަަދު ބާޒާރަށް ނެރެފިއެވެ.
މިކަމަށް ހާއްސަކޮށް އެސްޓީއޯ ސުޕަރމާޓްގައި މިއަދު ކުރިއަށްގެންދިޔަ ހަފްލާގައި ހަގީޒް ބާޒާރަށް ނެރެއްދެއްވީ އެސްޓީއޯގެ މެނޭޖިންގ ޑިރެކްޓަރ އަހުމަދު ޝަހީރުއެވެ.
މިގޮތުން މިއަދު ބާޒާރަށް ނެރެފައިވާ ދެވައްތަރު ކަމަށްވާ ހަގީޒްގެ ޕެއިންޓްސްް އަދި ޑައިޕާރސް އަކީ މިވަގުތު ބާޒާރުގައި ލިބެން ހުރި އެންމެ އަގު ހެޔޮ އަދި ކޮލިޓީ ނެޕީއެވެ.
އަދި މިރަސްމިޔާތުގައި އެސްޓީއޯގެ ފަރާތުން ވަނީ ހުޅުމާލޭގައި ހުންނަ ”ފިޔަވަތި“ (ކުޑަކުދިންގެ ހިޔާ) 6މަސް ދުވަހުގެ ނެޕީ ހަދިޔާކޮށްފައެވެ. ފިވަތީގެ ފަރާތުން އެތަކެޗާއި ހަވާލުވެއްލެއްވީ ފިޔަވަތީގެ ސީއީއޯ ފާތިމަތު ޝިޔާމާއެވެ.
ހަގީޒް ބާޒާރަށް ނެރުމާއި އެކު އެސްޓީއޯ ސްޕަރމާޓް، އެސްޓީއޯ ރީޖަނަލް ފިހާރަތަކުގެ އިތުރުން އެސްޓީއޯގެ ފާރމަސީ ތަކުންވެސް މިހާރު ހަގީސް ލިބިވަޑައިގަންނަވާނެއެވެ.
މިލިޔުން ކިޔާލުމުން
