ރާއްޖެ އެތެރެކުރަން އުޅުނު 1.1 ކިލޯގެ ހެރޮއިން ކަސްޓަމްސްއިން އަތުލައިގެންފި
ރާއްޖެއައި ޕެސެންޖަރަކު އެތެރެކުރަން އުޅުނު 1.1 ކިލޯގެ މަސްތުވާތަކެތި ކަސްޓަމްސް އިން އަތުލައިގެންފިއެވެ.
މިމަހުގެ 2 ވަނަ ދުވަހު ދުބާއީއިން ރާއްޖެއައި 54 އަހަރުގެ ޕާކިސްތާން ފިރިހެނެއްގެ ހަރަކާތްތައް ހުރިގޮތުން ވެލާނާ އިންޓަރނޭޝަނަލް އެއަރޕޯޓްގެ ޕެސެންޖަރ ކްލިއަރެންސްގެ އޮފިސަރުންނަށް ޝައްކުކުރެވިގެން ބަލައިފާސްކުރުމުގެ ތެރޭގައި މީނާ އަރައިގެންހުރި ބޫޓުން މަސްތުވާތަކެތި ކަމަށް ޝައްކުކުރެވޭ ތަކެތި އަޅާފައިހުރި 2 ޕެކެޓް ވަނީ ފެނިފައެވެ.
މި ތަކެތި ތަހުލީލުކުރިއިރު ވަނީ މަސްތުވާ ތަކެތީގެ ބާވަތެއްކަމަށްވާ ހެރޮއިންއަށް ޕޮޒިޓިވް ވެފައެވެ. މި މީހާގެ އަތުން އަތުލެވުނު މަސްތުވާތަކެތީގެ ބަރުދަން 1100 ގްރާމަށް އަރާއިރު، މިތަކެތީގެ މަގުމަތީއަގު 4 މިލިއަން ރުފިޔާއަށް އަރާނެކަމަށް ބެލެވެއެވެ.
މިމީހާއާއި އަތުލައިގަނެވުނު މަސްތުވާތަކެތި ފުލުހުންނާ ހަވާލުކުރެވިފައިވާއިރު އެފަރާތުން ދަނީ މިމައްސަލަ އިތުރަށް ތަޙްޤީގްކުރައްވަމުންނެވެ.
މިލިޔުން ކިޔާލުމުން
