ޑަބަލް ޕެޓީ ޕިއްޒާ ބާގަރ އެއްތައްޔާރުކުރަން ބޭނުންވާ ތަކެތި

ތައްޔާރުކުރަން ބޭނުންވާ ތަކެތި:

• ކޭ އެންޑް އެން ބާގަރ ޕެޓީ (8 އާއި 10 އާ ދެމެދުގެ އަދަދަކަށް)
• ބާގަރ ބަން (4 ބަން)
• ޕިއްޒާ މިކްސްޗަރ (ބޭނުންވާ މިންވަރަށް)
• ހަލަޕީނިއޯ (ޖޯޑެއްގެ ހަތަރުބައިކުޅަ އެއްބައި ކޮށާފައި)
• ކަޅު އޮލިވްސް (ޖޯޑެއްގެ ހަތަރުބައިކުޅަ އެއްބައި ކޮށާފައި)
• ޗެޑަރ ޗީޒް (ބޭނުންވާ މިންވަރަށް – ގާނާފައި)
• ކެޗަޕް (ބޭނުންވާ މިންވަރަށް)

ތައްޔާރުކުރާނެ ގޮތް:

އިޝްތިހާރު

1. ކޭ އެންޑް އެން ބާގަރ ޕެޓީތައް އޭގެ ޕެކެޓުގައިވާ އިރުޝާދާ އެއްގޮތަށް ތެލުލާށެވެ.
2. ބާގަރ ބަންގެ ބޭސްގައި ޕިއްޒާ ސޯސް ހޭކުމަށްފަހު ތައްޔާރުކުރި ބާގަރ ޕެޓީއެއް އޭގެ މަތީގައި ބާއްވާށެވެ.
3. ޕެޓީގެ މަތީގައި ޕިއްޒާ މިކްސްޗަރ، ހަލަޕީނިއޯ، އޮލިވްސް އަދި ޗީޒް އެޅުމަށްފަހު ދެވަނަ ޕެޓީ ބާއްވާށެވެ. އޭގެ މައްޗަށް ކެޗަޕް އެޅުމަށްފަހު ބާގަރ ބަންގެ މަތީ ބައިން ނިވާކޮށްލާށެވެ.
4. ބާގަރގެ އެންމެ މައްޗަށް ސަމުސަލަކުން ޕިއްޒާ މިކްސްޗަރ އަދި ޗީޒް އެޅުމަށްފަހު، 180 ޑިގްރީ ސެލްސިއަސްއަށް ހޫނުކޮށްފައިވާ އަވަނެއްގައި 3 ނުވަތަ 4 މިނެޓު ވަންދެން ފިހެލާށެވެ.
5. އަވަނުން ނެގުމަށްފަހު ދެބަޔަށް ކޮށާލާށެވެ. މިހާރު ޑަބަލް ޕެޓީ ޕިއްޒާ ބާގަރ ހުންނާނީ ސާވްކުރަން ތައްޔާރުވެފައެވެ.

ޕިއްޒާ މިކްސްޗަރ ތައްޔާރުކުރަން ބޭނުންވާ ތަކެތި:

• ތެޔޮ (2 ސޫޕް ސަމުސާ)
• ލޮނުމެދު (2 ސައިސަމުސާ – ކޮށާފައި)
• ފިޔާ (1 ތަށި – ކޮށާފައި)
• ބެލް ޕެޕަރ (1 ތަށި – ކޮށާފައި)
• ކެރެޓް (1 ތަށި – ކޮށާފައި)
• ސްވީޓް ކޯން (ބައި ތަށި)
• ޕިއްޒާ ސޯސް (3 ސޫޕް ސަމުސާ)
• ޗިލީ ސޯސް (2 ސޫޕް ސަމުސާ)
• ކެޗަޕް (2 ސޫޕް ސަމުސާ)
• މިކްސްޑް ހާބްސް (1 ސައިސަމުސާ)
• ރަތް މިރުސް ފުއް (1 ސައިސަމުސާ)
• ލޮނު (ބައި ސައިސަމުސާ)

ތައްޔާރުކުރާނެ ގޮތް:

1. ތަވައަކަށް ތެޔޮ އެޅުމަށްފަހު ލޮނުމެދުކޮޅު މީރުކޮށްލާށެވެ. އެއަށްފަހު ފިޔާ އަޅައި، ފިޔާކޮޅު މަޑުވަންދެން ކައްކާށެވެ.
2. ބެލް ޕެޕަރ، ކެރެޓް އަދި ސްވީޓް ކޯން އެޅުމަށްފަހު މިނެޓެއްހާއިރު މީރުކޮށްލާށެވެ.
3. ޕިއްޒާ ސޯސް، ޗިލީ ސޯސް އަދި ކެޗަޕް އެޅުމަށްފަހު އިތުރު މިނެޓަކު ކައްކާލާށެވެ. އެއަށްފަހު މިކްސްޑް ހާބްސް، ރަތް މިރުސް ފުއް އަދި ލޮނު އަޅައި ރަނގަޅަށް އެއްކޮށްލާށެވެ. މިހާރު ޕިއްޒާ މިކްސްޗަރ ތައްޔާރުވީއެވެ.