ވީއައިއޭގެ ކާގޯ ކްލިއަރެންސް މަސައްކަތްތައް ހިނގަމުންދާ ގޮތް ސަރުކާރުން ބައްލަވާލައްވައިފި

ވެލާނާ އިންޓަރނޭޝަނަލް އެއަރޕޯޓުގެ ކާގޯ ކްލިއަރެންސް މަސައްކަތްތައް ހިނގަމުންދާ ގޮތް ސަރުކާރުގެ ކަމާގުޅުންހުރި އިދާރާތަކުން ބައްލަވާލައްވައިފި އެވެ.

މި މަސައްކަތްތައް ބައްލަވާލެއްވުމަށް ވީ.އައި.އޭ އަށް ވަޑައިގެންނެވި ޓީމުގައި މިނިސްޓްރީ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑާއި، މައިންޑްކޯ އާއި، މޯލްޑިވްސް ކަސްޓަމްސް ސަރވިސްގެ އިތުރުން، މިނިސްޓްރީ އޮފް ޑިފެންސް އަދި އެމް.އެފް.ޑީ.އޭގެ ބޭފުޅުން ހިމެނެ އެވެ.

އިޝްތިހާރު

17 ޑިސެންބަރު 2025 ގައި ރައީސް ޑރ. މުޙައްމަދު މުޢިއްޒު ވެވަޑައިގެންފައިވާ ވަޢުދުފުޅާ އެއްގޮތަށް، 25 ޑިސެންބަރު 2025 އިން ފެށިގެން ކުދި އަދި މެދުފަންތީގެ ވިޔަފާރިތަކަށް މުދާ ކްލިއަރކުރުމުގެ ޚިދުމަތް ދަނީ 24 ގަޑިއިރު ފޯރުކޮށްދެމުންނެވެ.