އީރާނަށް ތެޔޮ ނުވިއްކޭ ސަރަހައްދެއްގައި އެހެން އެއްވެސް ފަރާތަކަށްވެސް ތެޔޮ ނުވިއްކޭނެ -ޣާލީބާފް-

އީރާނުގެ ސަލާމަތާއި ރައްކާތެރިކަން ކަށަވަރު ނުކުރެވޭނަމަ، ސަރަހައްދުގެ އެއްވެސް ބަޔަކު އަމާންކަންމަތީ ނޯންނާނެ ކަމަށް ބުނެ ޣާލީބާފް އިންޒާރު ދެއްވައިފި އެވެ.

އީރާނަށް ތެޔޮ ނުވިއްކޭނަމަ، މި ސަރަހައްދުގެ އެހެން އެއްވެސް ޤައުމަކަށްވެސް ތެޔޮ ނުވިއްކޭނެ ކަމަށް އޭނާ ވިދާޅުވި އެވެ. އަދި އީރާނަށް އަމާޒުވާ ކޮންމެ ނުރައްކަލަކަށް ނުވަތަ ”އިސްތިއުމާރީ“ އަމަލަކަށް ވަޤުތުން ވަރުގަދަ ރައްދެއް ދޭނެ ކަމުގެ އިންޒާރު އޭނާ ދެއްވި އެވެ.

އިޝްތިހާރު

ކަނޑުގެ މަގުތައް ބަންދުކޮށް، ވިޔަފާރިތަކަށް ހުރަސް އެޅުމަށް އެމެރިކާއިން ކުރާ މަސައްކަތްތައް ނާކާމިޔާބު ވާނެ ކަމަށްވެސް އޭނާ ވިދާޅުވި އެވެ.

ދަޢުލަތުގެ މީޑިއާއިން ރިޕޯޓްކޮށްފައިވާ ގޮތުގައި، ޣާލީބާފް މިހެން ވިދާޅުވީ ހޯރްމޫޒް ކަނޑުއޮޅިއާ ގުޅޭގޮތުން އެމެރިކާގެ ރައީސް ޑޮނަލްޑް ޓްރަމްޕް ދެއްކި ވާހަކަތަކަށް ރައްދު ދެއްވަމުންނެވެ.

އީރާނުގެ މަޖިލީހުގެ ރައީސް މުޙައްމަދު ބާގިރު ޣާލީބާފް އަންގާރަ ދުވަހު ވިދާޅުވީ، އީރާނުގެ ސަލާމަތްތެރިކަން ކަށަވަރު ނުކުރެވޭހާ ހިނދަކު މި ސަރަހައްދުގެ އެއްވެސް އިންފްރާސްޓްރަކްޗަރެއް ރައްކާތެރިކަންމަތީ ނޯންނާނެ ކަމަށެވެ. މިކަން ރިޕޯޓްކޮށްފައިވަނީ އީރާނުގެ ދަޢުލަތުގެ ބްރޯޑްކާސްޓަރު އައި.އާރު.އައި.ބީ އިންނެވެ.

އައި.އާރު.އައި.ބީ އިން ރިޕޯޓްކޮށްފައިވާ ގޮތުގައި ޣާލީބާފް ވިދާޅުވީ، ”އީރާނަށް ތެޔޮ ނުވިއްކޭ ސަރަހައްދެއްގައި، އެހެން އެއްވެސް ފަރާތަކަށްވެސް ތެޔޮ ނުވިއްކޭނެ“ ކަމަށެވެ.

އެމެރިކާއަށާއި އެހެނިހެން ޤައުމުތަކަށް އިންޒާރު ދެއްވަމުން އޭނާ ވިދާޅުވީ، ތެހެރާނަށް ކުރިމަތިވާ ކޮންމެ ނުރައްކަލަކަށް ނުވަތަ ރޭވުމަކަށް ވަރަށް އަވަސް އަދި ހަރުކަށި ރައްދެއް ދޭނެ ކަމަށެވެ.

މީގެ އިތުރުން، ކަނޑުގެ މަގުތައް ބަންދުކުރުމަށާއި، ވައިގެ މަގުތައް ހަނިކުރުމަށާއި، އީރާނުގެ ވިޔަފާރި މަގުތަކަށް ނުފޫޒު ފޯރުވުމަށް ވޮޝިންގްޓަނުން ކުރާ މަސައްކަތްތައް ކާމިޔާބު ނުވާނެ ކަމަށްވެސް ޣާލީބާފް ވިދާޅުވި ކަމަށް އައި.އާރު.އައި.ބީ އިން ބުނެ އެވެ.

އައި.އާރު.އައި.ބީ އިން ހާމަކުރި ގޮތުގައި އޭނާ މި ރައްދު ދެއްވީ ހޯރްމޫޒް ކަނޑުއޮޅިއާ ގުޅޭގޮތުން އެމެރިކާގެ ރައީސް ޑޮނަލްޑް ޓްރަމްޕް ދެއްކި ވާހަކަތަކަށެވެ.

އީރާނުގެ ސިޔާސަތަކީ އެޤައުމުގެ ސަލާމަތްތެރިކަން ކަށަވަރު ނުވާނަމަ، އެއްވެސް އިންފްރާސްޓްރަކްޗަރެއްގެ ރައްކާތެރިކަން ނޯންނާނެ ކަމަށް ބުނާ ބުނުން ކަމަށްވެސް ޣާލީބާފް ވިދާޅުވި އެވެ.