ރާއްޖެ އާއި ސަޢޫދީގެ އިސްލާމިކް އެފެއެޒް ގުޅިގެން ކުރިއަށް ގެންދިޔަ ދައުރާ ޕްރޮގްރާމް ނިންމާލައިފި

އިސްލާމީކަންތައްތަކާއި އައުޤާފާ ބެހޭ ވުޒާރާއާއި، ސަޢޫދީ ޢަރަބިއްޔާގެ މިނިސްޓްރީ އޮފް އިސްލާމިކް އެފެއާޒް، ދަޢުވާ އެންޑް ގައިޑެންސް ގުޅިގެން ރާއްޖޭގައި ކުރިއަށްގެންދާ ސިލްސިލާ ދައުރާ ޕްރޮގްރާމް، ނިންމާލައިފި އެވެ.

މި ޕްރޮގުރާމުގައި ދަންފަޅިތައް ނަންގަވައިދެއްވީ ސަޢުދީ ޢަރަބިއްޔާއިން ވަޑައިގެންނެވި ދީނީ ޢިލްމުވެރިއެކެވެ.

އިޝްތިހާރު

މި ޕްރޮގުރާމުގައި ދީނީ ޢިލްމުވެރިންނާއި އިމާމުންނާއި އަދި ޒުވާން ޚަޠީބުން ބައިވެރިވެފައިވެ އެވެ.
މި ޕްރޮގުރާމު ނިންމުމަށް ބޭއްވި ރަސްމިއްޔާތުގައި ޕްރޮގުރާމުގައި ބައިވެރިވި ފަރާތްތަކަށް ހަނދާނީ ލިޔުން ދެއްވާފައިވެ އެވެ.

ސިލްސިލާ ގޮތެއްގައި ކުރިއަށް ގެންދާ މި ޕްރޮގުރާމަކީ ސަޢުދީ ޢަރަބިއްޔާގެ މިނިސްޓްރީ އޮފް އިސްލާމިކް އެފެއާޒް، ދަޢުވާ އެންޑް ގައިޑެންސްގެ ވަރަށް ބޮޑު އެހީތެރިކަމަކާއެކު ކުރިއަށް ގެންދެވޭ ޕްރޮގުރާމެކެވެ. އަދި މި ޕްރޮގުރާމު ކުރިއަށް ގެންދިއުމަށް ދިވެހިރާއްޖޭގައި ހުންނަ ސަޢުދީ ޢަރަބިއްޔާގެ އެމްބަސީންވެސް ފުރިހަމަ އެއްބާރުލުން ލިބެމުންދާކަން ފާހަގަކޮށްލެވެ އެވެ.