އެމްއެންޑީއެފް ކޯސްޓްގާޑާއި ފެރިދޫ ކައުންސިލުން ގުޅިގެން ”ނިޔަމި ކޯސް 2“ ފަށައިފި

އެމްއެންޑީއެފް ކޯސްޓްގާޑާއި އއ. ފެރިދޫ ކައުންސިލުން ގުޅިގެން، އެ ރަށުގެ ރައްޔިތުންނަށް އަމާޒުކޮށްގެން ހިންގާ ”ނިޔަމި ކޯސް 2“ ފަށައިފިއެވެ.

ސެޕްޓެންބަރު 19އިން 22އަށް ކުރިއަށްގެންދާ މި ކޯހަކީ ކަނޑުދަތުރުފަތުރުކުރާ އުޅަނދުފަހަރު ދުއްވާ ކެޕްޓަނުންނާއި ފަޅުވެރިންނަށް އަމާޒުކޮށްގެން، ކަނޑުމަތީގެ ސަލާމަތާއި ރައްކާތެރިކަން އިތުރުކުރުމަށް ހިންގާ  ކޯހެކެވެ. ފެރިދޫގެ 26 މީހަކު ބައިވެރިވެފައިވާ މި ކޯހުގައި ކިޔަވައިދެއްވަނީ އެމްއެންޑީއެފް ކޯސްޓްގާޑް ޓްރޭނިންގ ސްކޫލުގެ މުދައްރިބުންނެވެ.

މި ކޯހުގައި ކަނޑުދަތުރުކުރާ އުޅަނދުފަހަރު ދުއްވުމުގައި ސަމާލުކަންދޭންވީ ކަންތައްތަކާއި، ހެދިފައިވާ ގަވާއިދުތަކާއި އުސޫލުތަކުގެ އިތުރުން ސަލާމަތާއި ރައްކާތެރިކަން ކަށަވަރުކުރާނެ ގޮތްތައް ކިޔަވައިދޭ ގޮތަށް ވަނީ ހަމަޖެހިފައެވެ. އަދި ރަނގަޅު މަޢުލޫމާތު ފޯރުކޮށްދިނުމާއި، މަޢުލޫމާތު ފޯރުކޮށްދިނުމަށް އާންމުކޮށް ބޭނުންކުރާ އާލާތްތަކުގެ މަޢުލޫމާތު ހިމެނޭހެން ކަނޑުދަތުރުކުރުމާ ގުޅުންހުރި ތަފާތު ބައިތައް ކިޔަވައިދިނުމަށް ވެސް ވަނީ ހަމަޖެހިފައެވެ.