އުފެއްދުންތެރިކަމުގެ ޤައުމީ މަޢުރަޒު އަންނަ އަހަރުގެ މާރޗުމަހަށް ފަސްކޮށްފި

ދިވެހިރާއްޖޭގެ އުފެއްދުންތެރިކަމުގެ ޤައުމީ މަޢުރަޒު އަންނަ އަހަރަށް ފަސްކޮށްފިއެވެ.

އިކޮނޮމިކް މިނިސްޓްރީން ބުނީ މި އަހަރުގެ ޑިސެމްބަރު މަހު ބޭއްވުމަށް ހަމަޖައްސާފައިއޮތް ދިވެހިރާއްޖޭގެ  އުފެއްދުންތެރިކަމުގެ މަޢުރަޒު މިހާރު ބޭއްވުމަށް ތާވަލުކޮށްފައިވަނީ އަންނަ އަހަރުގެ މާ ޗުމަހުގެ ތެރޭގައި ކަމަށެވެ.

އިޝްތިހާރު

އެހެންކަމުން މަޢުރަޒުގައި ބައިވެރިވުމަށް ޝައުގުވެރިވާ ފަރާތްތަކާއި ސްޓޯލު ނަގާ ފަރާތްތަކަށް ފޯމު ހުށައެޅުމުގެ ފުރުޞަތު އަދި ބަންދު ނުކުރާ ކަމަށްވެސް އެ މިނިސްޓްރީން ބުނެއެވެ. އަދި މަޢުރަޒު ބާއްވާނެ ވަކި ދުވަހެއް ކަނޑައެޅުމުން ފޯމާއި ތަކެތި ބަލައިގަތުމުގެ ސުންގަޑި އިޢުލާނު ކުރާނެކަމަށް އިކޮނޮމިކް މިނިސްޓްރީން ބުންޏެވެ.

އެ މިނިސްޓްރީން ބުނީ އިކޮނޮމިކް މިނިސްޓްރީ އާއި އެމިނިސްޓްރީގެ ވިޔަފާރި މަރުކަޒުތަކާއި ރަށްރަށުގެ ރަށުކައުންސިލާއި އަތޮޅު ކައުންސިލް އިދާރާތަކުން ފޯމް ބަލައިގަތުން ކުރިއަށްދާނެ ކަމަށެވެ.