މާލޭގެ ގެއެއްގައި ބިރުވެރި އަލިފާނުގެ ހާދިސާއެއް ހިނގައިފި
މާލޭގެ ގެއެއްގައި އަލިފާން ރޯވެއްޖެއެވެ. ޙަބަރު ލިބިފައިވާ ގޮތުގައި އަލިފާން ރޯވެފައިވަނީ ރޭ ފަތިހު ގ. ދޫގަސްގޭގައި އެވެ.
ގޭސްފުޅިއެއް ގޮވައި އަލިފާން ރޯވުމުގެ ސަބަބުން 4 މީހަކަށް އަނިޔާވެފައިވާއިރު ދެ މީހުންގެ ހާލު ސީރިއަސް ކަމަށް ފުލުހުން ވަނީ ބުނެފައެވެ. މިހާދިސާގައި އަނިޔާވި މީހުންނަށް އައިޖީއެމްއެޗްގައި މިހާރު ދަނީ ފަރުވާ ދެމުންނެވެ. އަނިޔާ ވެފައިވަނީ4 ބިދޭސީންނަށެވެ. އެއީ ބަންގްލަދޭޝްގެ 2 މީހުންނާއި އިންޑިއާގެ 2 މީހުންނެވެ.
އިޝްތިހާރު
ފުލުހުން ބުނީ އެކަމުގެ މައުލޫމާތު ރޭ ފަތިހު 5:27 ހާއިރު ރިޕޯޓުކޮށްފައިވާ ކަމަށެވެ. އެ ގޭގައި ރޯވި އަލިފާން މިހާރު ކޮންޓްރޯލް ކުރެވިފައިވާ ކަމަށް އެމްއެންޑީއެފުން ބުންޏެވެ.
މިހާދިސާ ހިނގަން މެދުވެރިވި ސަބަބު ފުލުހުން މިހާރުދަނީ ބަލަމުންނެވެ.
މިލިޔުން ކިޔާލުމުން
