ދެވަނަ ކުއާޓަރގެ ޖީ.އެސް.ޓީ ނުދައްކާ 86 ފަރާތެއްގެ ނަންތައް ގެޒެޓްކޮށްފި
ދެވަނަ ކްއާޓަރގައި ޖީއެސްޓީ ނުދައްކާ 86 ފަރާތެއްގެ ނަން ދިވެހި ސަރުކާރުގެ ގެޒެޓުގައި ޝާއިޢުކޮށްފިއެވެ.
އެގޮތުން ޝާއިޢުކޮށްފައިވާ މި ލިސްޓުގައި ޓޫރިޒަމް ދާއިރާގައި ވިޔަފާރިކުރާ 8 ފަރާތަކާއި އެނޫން ދާއިރާތަކުގައި ވިޔަފާރިކުރާ 78 ފަރާތަކާއެކު ޖުމްލަ 86 ފަރާތެއްގެ ނަން ހިމެނެއެވެ.
މޯލްޑިވްސް އިންލެންޑް ރެވެބިއު އޮތޯރިޓީ (މީރާ) އިން ޢާންމުކޮށްފައިވަނީ ޖީ.އެސް.ޓީއަށް ރަޖިސްޓަރީކޮށްފައިވާ ފަރާތްތަކުގެތެރެއިން ޖީ.އެސް.ޓީ ބަޔާން ހުށަނާޅާ އަދި ޖީ.އެސް.ޓީ ނުދައްކާ ފަރާތްތަކުގެ މަޢުލޫމާތު ހާމަކުރުމުގައި މޯލްޑިވްސް އެ އޮތޯރިޓީން ޢަމަލުކުރަމުންދާ އުސޫލުގެ ދަށުން އަތޮޅުތެރޭގައި ވިޔަފާރިކުރާ ފަރާތްތަކުގެ ތެރެއިން 2016 ވަނަ އަހަރުގެ ދެވަނަ ކުއާޓަރގެ ޖީ.އެސް.ޓީ ބަޔާން ހުށަނާޅާ ފަރާތްތަކާއި ޖީ.އެސް.ޓީ ނުދައްކާ ފަރާތްތަކުގެ މަޢުލޫމާތެވެ.
ޖީ.އެސް.ޓީ ނުދައްކާ ފަރާތްތަކުގެ މަޢުލޫމާތު ހާމަކުރުމުގެ ކުރިން އެ ފަރާތްތަކަށް އެކި ފަހަރު މަތިން ފޯނުން ގުޅައި، ޓެކްސް ނުދައްކާ ފަރާތްތަކަށް ޤާނޫނުގައި ކަނޑައަޅައިފައިވާ އަދަބުތައް ކިޔައިދެވިފައިވާނެ ކަމަށާއި އެސް.އެމް.އެސްގެ ޒަރީއާއިންނާއި އެ ތަންތަނަށް ޒިޔާރަތްކޮށްގެންވެސް އެ ފަރާތްތަކަށް އެ ކަން އެންގުމުގެ މަސައްކަތްކޮށްފައިވާނެ ކަމަށް މީރާއިން މަޢުލޫމާތު ދެއެވެ.
މިލިޔުން ކިޔާލުމުން
