އަޖުވާ ކަދުރު ޚާއްސަވަނީ ކީއްވެގެން؟
"ކޮންމެ ދުވަހެއްގެ ހެނދުނު އަޖުވާ ކަދުރުގެ ހަތް ކަދުރު ކައިފި މީހަކަށް އެ ދުވަހަކު އެއްވެސް ވިހައަކުން އަދި ސިޙުރަކުން ގެއްލުމެއް ނުލިބޭނެއެވެ." -ނަބަވީ އިރުޝާދު-
އަޖުވާ ކަދުރުން ލިބިދެނީ މަދު މޭވާއަކުން ނޫނީ ނުލިބޭ ފަދަ މުއްސަނދި ފައިބަރ، މިނަރަލްސް، އެންޓިއޮކްސިޑެންޓްސް އަދި ޤުދުރަތީ ހަކަތަ އެވެ.
އަޖުވާ ކަދުރުގައި އެކުލެވޭ ޤުދުރަތީ ފައިބަރ، ޕޮޓޭސިއަމް، މެގްނީޒިއަމް، އަޔަން، ޕޮލިފެނޯލް އަދި ފްލޭވޮނޮއިޑްސްގެ އެކުލެވިގެންވެ އެވެ.
އަޖުވާ ކަދުރު ޚާއްސަވާ އެންމެ މުހިންމު ކަމަކީ ކާނާގެ މުއްސަނދިކަމާއި، ޘަޤާފަތާއި، އަދި ދީނީ ގޮތުން ވެސް އަޖްވާ ކަދުރުގެ ފައިދާ އައިސްފައިވާތީ އެވެ.
މިއީ މަދީނާއާ އަދި އިސްލާމީ ޘަޤާފަތާ ވަރަށް ބޮޑަށް ގުޅިފައިވާ އެއްޗަކަށްވާތީ، ދުނިޔޭގައިވާ އެންމެ ޤަދަރުކުރެވޭ ކަދުރުގެ ބާވަތްތަކުގެ ތެރޭގައި ހިމެނޭ ކަދުރެކެވެ.
މީހުން ޢާންމުކޮށް އަޖުވާ ކަދުރު ޚިޔާރުކުރާ ސަބަބު ތަކުގެ ތެރޭގައި…
- ރިފައިންޑް ހަކަތައާ ނުލައި ޤުދުރަތީ ގޮތުން ފޮނިވުން
- ފައިބަރާއި މިނަރަލްސް އިން މުއްސަނދިވުން
- ކާނާގެ އަދި ބޭސްވެރިކަމުގެ ފައިދާތަކާ ގުޅޭގޮތުން ހަދާފައިވާ 50 އަށް ވުރެ ގިނަ ދިރާސާތައް ހިމެނުން
- ރަމަޟާން މަހާއި ރޯދަ ހިފާ ދުވަސްވަރު މަޝްހޫރުވުން
- އިސްލާމީ ޘަޤާފަތުގައި ޤަދަރުލިބިގެންވުން
- ހަކަތައަދި ހަޖަމުކުރުމުގެ ނިޒާމަށާއި، ޢާންމު ޞިއްޙަތަށް ބޭނުންކުރުން
އަޖުވާ ކަދުރުގައި ނިއުޓްރީޝަން އެކުލެވޭ މިނަވަރު
އަޖުވާ ކަދުރުގެ ނިއުޓްރީޝަން މިންވަރު ބަރޯސާވަނީ ސައިޒަށާއި، ތާޒާކަމަށާއި، އުފެދުނު ތަނަށާއި، އަދި އޭގައި ހުންނަ ތެތްކަމުގެ މައްޗަށެވެ.
ޢާންމުކޮށް ކަދުރުގައި ކާބޯހައިޑްރޭޓް، ފައިބަރ، ޕޮޓޭސިއަމް، މެގްނީޒިއަމް، އަޔަން، އަދި ޤުދުރަތީ ހަކުރު ގިނަ އަދަދަކަށް އެކުލެވިގެންވެ އެވެ.
ނިއުޓްރިއެންޓް | މިންވަރު | ފައިދާ |
ކެލޮރީ | 277 ކެލޮރީ | ގްލޫކޯޒާއި ފްރަކްޓޯޒްއިން ދެމެހެއްޓެނިވި ޤުދުރަތީ ހަކަތަ ލިބިދެއެވެ. |
ކާބްސް | 75 ގްރާމް | ހަކަތައިގެ މައިގަނޑު މަސްދަރު، ހަކަތަ ލިބޭ މިންވަރު އެކަށީގެންވާ މިންގަނޑެއްގައި ހިފަހައްޓައިދެއެވެ. |
ފައިބަރ | 7 ގްރާމް | ބަނޑު ހިންގުން ރަނގަޅުކޮށް، ގަޓްގެ ސިއްހަތާއި ލޭގެ ހަކުރުގެ މިންވަރު އެއްވަރެއްގައި ހިފަހައްޓަން އެހީވެދެއެވެ. |
ޕްރޮޓީން | 2-3 ގްރާމް | މަސްތަކާއި ހަށިގަނޑުގެ ޓީޝޫތައް ވަރުގަދަކޮށްދެއެވެ. |
ޕޮޓޭސިއަމް | 696-1013 މިލިގްރާމް | ލޭގެ ޕްރެޝަރު ހިފަހައްޓައިދީ ހިތުގެ ޞިއްޙަތު ރަނގަޅުކޮށްދެއެވެ. |
މެގްނީޒިއަމް | 64 މިލިގްރާމް | ކަށީގެ ވަރުގަދަކަމަށާއި، މަސްތައް މޮހާލުމަށާއި، ހަކަތަ އުފެއްދުމަށް އެހީވެދެއެވެ. |
| ކެލްސިއަމް | 39 މިލިގްރާމް | ކަށީގެ ނިޒާމާއި ދަތްތައް ވަރުގަދަކޮށްދެއެވެ. |
އަޔަން | 1 މިލިގްރާމް | ހީމޮގްލޮބިން އުފެއްދުމަށް އެހީވެދީ، ވަރުބަލިވުން ކުޑަކޮށްދެއެވެ. |
| އެންޓިއޮކްސިޑެންޓްސް | މަތި (ފްލޭވޮނޮއިޑްސް) | އޮކްސިޑޭޓިވް ސްޓްރެސް އާއި ދުޅަވުން ކުޑަކޮށްދޭ ޕޮލިފެނޯލް އަދި ފްލޭވޮނޮއިޑްސް އެކުލެވިގެންވެއެވެ. |
އަޖުވާ ކަދުރުގެ އެންމެ މުހިންމު ޞިއްޙީ 15 ފައިދާ
ސަޔެންޓިފިކް އަދި ޘަޤާފީ ދިރާސާތަކުގެ މައްޗަށް ބިނާކޮށް، އަޖުވާ ކަދުރުގެ އެންމެ ފާހަގަކޮށްލެވޭ 15 ފައިދާއަކީ…
ޤުދުރަތީ ހަކަތަ ލިބިދިނުން
އަޖުވާ ކަދުރުގައި ޤުދުރަތީ ކާބޯހައިޑްރޭޓާއި ހަކުރު އެކުލެވިގެންވާތީ، ހަލުވިކަމާއެކު ހަކަތަ ލިބިގެންދެ އެވެ.
މިއީ ކަސްރަތު ކުރުމުގެ ކުރިން، މަސައްކަތު ދުވަސްތަކުގައި، ރޯދަ ވީއްލުމަށްފަހު، ނުވަތަ ޕްރޮސެސްކޮށްފައި ހުންނަ ފޮނި އެއްޗެހީގެ ބަދަލުގައި ބޭނުންކުރަން އެންމެ އެކަށީގެންވާ އެއްޗެކެވެ.
ހަޖަމުކުރުމުގެ ނިޒާމަށް އެހީވުން
އަޖުވާ ކަދުރުގައި ހަޖަމުކުރުމަށް އެހީވެދޭ އަދި ބަނޑު ހިންގުން ރަނގަޅުކޮށްދޭ ޑައިޓަރީ ފައިބަރ އެކުލެވިގެންވެ އެވެ. ފުދޭވަރަކަށް ފެނާއެކު ކެއުމުން ބަނޑުހިކުމުގެ މައްސަލަތަކަށް ލުޔެއް ލިބިގެންދެ އެވެ.
ހިތުގެ ޞީއްޙަތަށް އެހީވުން
އަޖުވާ ކަދުރުގައި ޕޮޓޭސިއަމް، މެގްނީޒިއަމް، ފައިބަރ އަދި އެންޓިއޮކްސިޑެންޓްސް އެކުލެވިގެންވެ އެވެ.
މި މާއްދާތަކަކީ ހިތުގެ ޞިއްޙަތު ދެމެހެއްޓުމަށް އެހީވެދޭ މާއްދާތަކެކެވެ. ނަމަވެސް މިއީ ހިތުގެ ބޭހުގެ ބަދަލުގައި ބޭނުންކުރަންޖެހޭ އެއްޗެއް ނޫނެވެ.
ཁކޮލަސްޓްރޯލް މިންވަރު އެއްވަރެއްގައި ހިފަހައްޓަން އެހީވުން
ޞިއްޙީގޮތުން ރަނގަޅު ކާނާއާއެކު ކަދުރު ކެއުމުން ހަށިގަނޑުގައި ހުންނަ ކޮލެސްޓްރޯލް މިންވަރު އެކަށީގެންވާ މިންގަނޑެއްގައި ހިފަހައްޓަން އެހީވެދެ އެވެ.
އެންޓިއޮކްސިޑެންޓްސް ލިބިދިނުން
އަޖުވާ ކަދުރުގައި ޕޮލިފެނޯލް އަދި ފްލޭވޮނޮއިޑްސް ފަދަ ޤުދުރަތީ ގަސްގަހާގެހީގެ މާއްދާތައް އެކުލެވިގެންވެ އެވެ. އެންޓިއޮކްސިޑެންޓްސްގެ ސަބަބުން ހަށިގަނޑު އޮކްސިޑޭޓިވް ސްޓްރެސް އިން ސަލާމަތްކޮށްދެ އެވެ.
ކަށީގެ ޞިއްޙަތަށް އެހީވުން
އަޖުވާ ކަދުރުގައި މެގްނީޒިއަމް، ކެލްސިއަމް، އަދި ފޮސްފަރަސް ފަދަ މިނަރަލްސް އެކުލެވިގެންވ ެއެވެ. މި މާއްދާތަކަކީ ކަށިތަކާއި ދަތްތައް ވަރުގަދަކޮށްދޭ މާއްދާތަކެކެވެ.
ވަރުބަލިވުން ކުޑަކޮށްދިނުން
އަޖުވާ ކަދުރުގައި ހަކަތައަށް ބޭނުންވާ ޤުދުރަތީ ހަކުރާއި މަދު މިންވަރަކަށް އަޔަން އެކުލެވިގެންވެ އެވެ.
ސުންނަތާއި ރަމަޟާން މަސް
ކަދުރުން ރޯދަ ވީއްލުމަކީ ކީރިތި ރަސޫލާ صلى الله عليه وسلم ގެ ސުންނަތެކެވެ. މަދީނާއިން ލިބެންހުންނަ އަޖުވާ ކަދުރު ބޭނުންކުރުމަކީ ރަސޫލާ އިރުޝާދުދެއްވި ގޮތެވެ.
މާބަނޑު ދުވަސްވަރުގެ ކާނާއަށް އެހީވެދިނުން
އަޖުވާ ކަދުރުން ހަކަތައާއި ފައިބަރ އަދި މިނަރަލްސް ފޯރުކޮށްދެ އެވެ. ނަމަވެސް މާބަނޑު މީހުން ޑޮކްޓަރެއްގެ ލަފާ ހޯދުން މުހިންމެވެ.
ސިކުނޑިއާއި މޫޑް ރަނގަޅުކުރުމަށް އެހީވުން
އަޖުވާ ކަދުރުގައި މެގްނީޒިއަމް، ވިޓަމިން ބީ6 އަދި އެންޓިއޮކްސިޑެންޓްސް އެކުލެވިގެންވެ އެވެ.
ދިފާޢީ ނިޒާމުގެ ޞިއްޙަތަށް އެހީވުން
އަޖުވާ ކަދުރުގައި ދިފާޢީ ނިޒާމަށް ބޭނުންވާ އެންޓިއޮކްސިޑެންޓްސް އަދި މިނަރަލްސް އެކުލެވިގެންވެ އެވެ.
ފޮނި އެއްޗެހީގެ ބަދަލުގައި ބޭނުންކުރެވޭ ރަނގަޅު ބާވަތެއްވުން
މިއީ ޤުދުރަތީ ގޮތުން ފޮނި އެއްޗަކަށްވާތީ، ހަކައިގެ ބަދަލުގައި ބޭނުންކުރެވިދާނެ އެވެ.
ބަރުދަންކޮންޓްރޯލް ކުރުމަށް އެހީވުން
މިއީ ކެލޮރީ ގިނަ އެއްޗަކަށްވާތީ، ކުޑަ މިންވަރަކަށް ބޭނުންކުރުން މުހިންމެވެ.
ފިރިހެނުންނާއި އަންހެނުންގެ ޞިއްޙަތަށް އެހީވުން
ދެ ޖިންސުގެ މީހުންނަށްވެސް ދުވަހުގެ ހަކަތައާއި ހަޖަމުކުރުމަށް އެހީވެދެ އެވެ.
ނަބަވީ ބޭސްވެރިކަމާއި އިސްލާމީ މުހިންމުކަން
صحيح البخاري (5779) ގައިވާ ޙަދީޘްއެއްގެ މާނައިގައިވެ އެވެ.
”ކޮންމެ ދުވަހެއްގެ ހެނދުނު އަޖުވާ ކަދުރުގެ ހަތް ކަދުރު ކައިފި މީހަކަށް، އެ ދުވަހަކު އެއްވެސް ވިހައަކުން އަދި ސިޙުރަކުން ގެއްލުމެއް ނުލިބޭނެއެވެ.“
މި ސަބަބާހުރެ މުސްލިމުންނަށް މިއީ ޞިއްޙީ ފައިދާއާއެކު ދީނީ ގޮތުންވެސް ވަރަށް ޚާއްސަ އެއްޗެކެވެ.
މިލިޔުން ކިޔާލުމުން
