މެގަ މޯލްޑިވްސް އިން އިންޑިއާގެ ނިއުދިއްލީއަށް ދެކޮޅު ޓިކެޓް 98 ޑޮލަރަށް..
ރާއްޖޭގައި އުދުހޭ އެންމެބޮޑު އަމިއްލަ އެއަރލައިން މެގަ މޯލްޑިވްސް އިން އިންޑިއާގެ ނިއުދިއްލީއަށް ކުރާ ޚާއްޞަ ދަތުރުގެ ދެކޮޅު ޓުކެޓުގެ އަގަކީ 98 ޑޮލަރު ކަމުގައި އެ އެއަރލައިނުން ބުނެފިއެވެ.
މެގަ މޯލްޑިވްސް އިން ބުނީ މި ނޮވެމްބަރ މަހުގެ 17 ވަނަ ދުވަހުން ފެށިގެން 22 ނުވަތަ 27 ވަނަ ދުވަހާއި ދެމެދު އެ އެއަރލައިނުން ނިއުދިއްލީއަށް ދަތުރުކުރާ ފަރާތްތަކަށް އެ އަގުގައި ޓިކެޓް ލިބޭނެ ކަމަށެވެ.
އަދި ރިޒަރވޭޝަން ހަދަން ބޭނުންވާ ފަރާތްތަކުން އެ އެއަރލައިންގެ 3006672 ނަމްބަރ ފޯނުން ނުވަތަ reservations@megamaldivesair.com އިން އިތުރު މަޢުލޫމާތު ލިބޭނެ ކަމަށެވެ.
މެގަ މޯލްޑިވްސް އިން މި މަހުގެ ތެރޭގައި ކޮލޮމްބޯއަށް ދަތުރުތައް ފަށާފައިވާ އިރު، އިންޑިއާގެ މުމްބާއީ އާއި މެލޭޝިއާގެ ކުއާލަލަމްޕޫރާއި ސައުދީ ޢަރަބިއްޔާގެ ޖިއްދާ އާއި މަދީނާއަށް ސީޒަނަލް ފްލައިޓުތައް ބޭއްވުމުގެ މަސައްކަތްވެސް އެ އެއަރލައިނުން އަންނަނީ ކުރަމުންނެވެ.
މީގެ އިތުރުން ޗައިނާގެ މަންޒިލުތަކަށްވެސް އަންނަނީ ދަތުރު ކުރަމުންނެވެ.
މިލިޔުން ކިޔާލުމުން
