ފައިބެއަހަރުގެ އޮކްޓޯބަރ މަހު ރާއްޖެއަށް 2.7 ބިލިއަން ރުފިޔާގެ މުދާ އެތެރެކޮށްފި
ފައިބެއަހަރުގެ އޮކްޓޯބަރ މަހު ދިވެހިރާއްޖެއަށް 2.7 ބިލިއަން ރުފިޔާގެ މުދާ އެތެރެކޮށްފައިވާކަމަށް މޯލްޑިވްސް ކަސްޓަމްސް ސަރވިސް އިން ބުނެފިއެވެ.
އެ އިދާރާއިން ބުނީ މިއީ މިއަހަރުގެ އޮކްޓޯބަރ މަހު މި ޢަދަދު 2.8 ބިލިއަން ރުފިޔާއަށް އިތުރުވެފައިވާ ކަމަށެވެ. އަދި ފައިބެއަހަރު އޮކްޓޯބަރުމަހު ރާއްޖެއަށް އިމްޕޯޓު ކުރި މުދަލުގެ ސީއައިއެފް އަގު މި ދިޔަ އަހަރުގެ އޮކްޓޯބަރ މަހާ އަޅާބަލާއިރު 1% އިތުރުވެފައިވާ ކަމަށްވެސް އެ އިދާރާއިން ބުންޏެވެ.
އިމްޕޯޓު ޑިއުޓީ އާއި އެހެނިހެން ފީގެ ގޮތުގައި ކަސްޓަމްސަށް ލިބުނު އާމްދަނީ މިދިޔަ އަހަރުގެ އޮކްޓޯބަރ މަހާ އަޅާބަލާއިރު ހުސްވި އޮކްޓޯބަރ މަހު %3 އިތުރުވެފައިވާ ކަމަށާއި ފާއިތުވި އޮކްޓޯބަރ މަހު އިމްޕޯޓު ޑިއުޓީ އާއި އެހެނިހެން ފީގެ ގޮތުގައި ދަޢުލަތަށް 215 މިލިއަން ރުފިޔާ ލިބިފައިވާ ކަމަށްވެސް މޯލްޑިވްސް ކަސްޓަމްސް ސަރވިސް އިން ބުންޏެވެ.
މީގެ އިތުރުން ކަސްޓަމްސް އިންބުނީ މިދިޔަ އަހަރުގެ އޮކްޓޯބަރ މަހު ލިބިފައިވަނީ 208 މިލިއަން ރުފިޔާ ކަމަށާއި ފާއިތުވި އޮކްޓޯބަރ މަހު ދިވެހިރާއްޖެއިން އެކްސްޕޯޓު ކުރި މިންވަރު މިދިޔަ އަހަރުގެ އޮކްޓޯބަރ މަހާ އަޅާބަލާއިރު 69 އިންސައްތަ އިތުރުވެފައިވާ ކަމަށެވެ.
ކަސްޓަމްސްގެ ތަފާސް ހިސާބުން ދައްކާގޮތުގައި މިދިޔަ އަހަރުގެ އޮކްޓޯބަރ މަހު 217 މިލިއަން ރުފިޔާގެ މުދާ ރާއްޖެއިން ބޭރުކޮށްފައިވާއިރު، މި އަހަރުގެ އޮކްޓޯބަރ މަހު މި ޢަދަދު ވަނީ 366 މިލިއަން ރުފިޔާއަށް އިތުރުވެފައެވެ.
ދިވެހިރާއްޖެއިން މައިގަނޑުގޮތެއްގައި އެކްސްޕޯޓްކުރަނީ މަހުގެ ބާވަތްތަކެވެ.
މިލިޔުން ކިޔާލުމުން
