ބިލެއްދޫ ކައުންސިލްގެ އައު އިމާރާތުގެ މަސައްކަތް ބާރަށް ކުރިއަށް

ފ. ބިލެއްދޫ ކައުންސިލްގެ އައު އިމާރާތުގެ މަސައްކަތް ބާރަށް ކުރިއަށް އެބަދެއެވެ.

ބިލެއްދޫ ކައުންސިލް އިމާރާތުގެ މަސައްކަތުގެ ތެރެއިން މިހާރު ކުރިއަށްދަނީ ކުލަލުމާއި ދޮރުތައް ހަރުކުރުމުގެ މަސައްކަތެވެ.

އިޝްތިހާރު

ރަސްފަރި ކޮންސްޓްރަކްޝަނާ ހަވާލުކޮށްގެން ކުރިއަށްގެންދާ ބިލެއްދޫ ކައުންސިލުގެ އައު ޢިމާރަތުގެ މަސައްކަތް ފެށީ މި އަހަރުގެ ސެޕްޓެމްބަރު މަހުގެ 23 ވަނަ ދުވަހެވެ.

ރަސްފަރި ކޮންސްޓްރަކްޝަނުން ވިދާޅުވާ ގޮތުގައި މި އަހަރުގެ ޑިސެމްބަރު މަހުގެ 12 ވަނަ ދުވަހުގެ ކުރިން މަސައްކަތް ނިމޭނެ ކަމަށް ލަފާކުރެވެއެވެ.

ބިލެއްދޫ އައު ކައުންސިލު އިމާރާތުގެ މަސައްކަތަކީ ޕަބްލިކް ސެކްޓަރ އިންވެސްޓްމަންޓް ޕްރޮގްރާމް (ޕީ.އެސް.އަ.އި.ޕީ.)ގެ ތެރޭގައި ހިމެނޭ މަސައްކަތެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ނިންމެވުމާ އެއްގޮތަށް، ލޯކަލް ގަވަރމަންޓް އޮތޯރިޓީން ހިންގަމުން ދިޔަ ޕީ.އެސް.އަ.އި.ޕީ. ޕްރޮޖެކްޓްތައް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއާ ހަވާލުކުރެއްވީ 2025 މޭ 12 ގައެވެ. ޖުމްލަ 67 މަޝްރޫޢު މި ބަދަލުގެ ދަށުން މިނިސްޓްރީގެ ބެލުމުގެ ދަށަށް ގެނެވިފައިވެއެވެ. މީގެ ތެރެއިން 34 މަޝްރޫޢު، 55 ކައުންސިލް ޢިމާރާތުގެ މަޝްރޫޢުގައި ހިމެނެއެވެ.