އިސްރަށްވެހިންނަށް މަޢުލޫމާތުގެ ސެޝަނެއް ބާއްވައިފި
އިސްރަށްވެހިންނަށް އަމާޒުކޮށްގެން މައުލޫމާތު ދިނުމުގެ ސެޝަނެއް ބުދަ ދުވަހު ބާއްވައިފި އެވެ.
މި ސެޝަންގައި އިސްރަށްވެހިންނަށް މައުލޫމާތު ދީފައިވަނީ “އިހުރިތާމްކުރުމާއި އިހުތިރާމް ލިބިގަތުމުގެ މުހިންމުކަން“ މި މައުޞޫއަށެވެ.
މި ސެޝަން ކުރިއަށް ގެންދިޔައީ ބުދަ ދުވަހުގެ ހަވީރު 16:00 އިން 17:30 އަށެވެ.
މި ސެޝަންގައި 52 އިސްރަށްވެހިން ބައިވެރިވެފައިވެ އެވެ.
މި އަހަރުގެ އިތުރުން މިދިޔަ އަހަރު ވެސް އިސްރަށްވެހިންނަށް އަމާޒުކޮށްގެން މައުލޫމާތު ދިނުމުގެ ސެޝަންތައް ވަނީ ކުރިއަށް ގެންގޮސްފަ އެވެ.
މި ސެޝަންތަކުގައި އާއިލީ ގުޅުންތައް ގާއިމްކުރުމުގެ މުހިންމުކަމާއި، އިޖުތިމާއީ ކަންކަމުގައި ބައިވެރިވެ އުޅުމުގެ މުހިންމުކަމާއި، މުއާމަލާތް ކުރުމުގައި ކަނުލާ އަޑުއެހުމުގެ މުހިންމުކަމާ ގުޅޭގޮތުން ވަނީ ބައިވެރިންނާއެކު މަޝްވަރާކޮށްފަ އެވެ.
މި ސެޝަންތައް ކުރިއަށް ގެންގޮސްފައިވަނީ މި މިނިސްޓްރީ އާއި މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓްއާ ގުޅިގެންނެވެ.
މިލިޔުން ކިޔާލުމުން
