އައިއެންއައިއޭގެ ބައެއް ސަރަހައްދުތަކުން ކަރަންޓު ކެނޑި، ޚިދުމަތަށް ބުރޫ އަރައިފި
އިބްރާހިމް ނާޞިރު އިންޓަރނޭޝަނަލް އެއަރޕޯޓް (އައިއެންއައިއޭ)ގެ ބައެއް ސަރަހައްދުތަކުން ކަރަންޓު ކެނޑެމުގެ ސަބަބުން ދެމުން ގެންދިޔަ ޚިދުމަތަށް ބުރޫ އަރައިފިއެވެ.
އެއަރޕޯޓުގައި މަސައްކަތްކުރާ މީހަކު ނަން ނުޖެހުމަށް ޝަރުތުކޮށް އެޓޯލް ނިއުސްއަށް ބުނީ އެ މައްސަލަ ދިމާވީ މިއަދު ހެނދުނުން ފެށިގެން ކަމަށެވެ. އަދި އިރުއިރުކޮޅާ އެކި ހިސާބުތަކުން ކަރަންޓޫ ކެނޑުމުން އަންނަ ކަމަށެވެ.
އަދި ޑޮމެސްޓިކް ޓަރމިނަލްއިން ކަރަންޓު ދިއުމުގެ ސަބަބުން އެތެރޭގެ އުދުހުންތަކަށް މީހުން ފުރުވާލަނީ އިންޓަރނޭޝަނަލް ޓަރމިނަލުން ކަމަށްވެސް އޭނާ ބުންޏެވެ.
އޭނާ އިތުރަށް ބުނީ ކަރަންޓް ނެތަސް ފްލައިޓްތަކަށް އެއްވެސް ވަރަކަށް ޑިލޭ ނާންނަ ކަމަށާއި އިންޓަރ މިވަގުތު ކަރަންޓު ނެތީ ހަމައެކަނި ޑޮމެސްޓިކް ޓަރމިނަލްގައި ކަމަށެވެ.
އެއަރ ޕޯޓުން ކަރަންޓު ކެނޑެން ދިމާވީ މައި އިންޖީނަކަށް ދިމާވި މައްސަލައެއްގެ ސަބަބުން ކަމަށާއި އެހެންނަމަވެސް މެންދުރު ގާތްގަޑަކަށް 2 ޖަހާ އިރު، އިންޓަރނޭޝަނަލް ޓަރމިނަލްއަށް ކަރަންޓު ލިބިފައިވާ ކަމަށްވެސް އެމީހާ ބުންޏެވެ.
މިލިޔުން ކިޔާލުމުން
