އާޘާރީ ދުވަހު މިސްކިތްތަށް ދައްކާލަނީ

ސައުތް އެފްރިކާގެ އާޘާރީ ދުވަސް ފާހަގަކުރާއިރު މިމަހުގެ 24ވަނަ ދުވަހު އެޤައުމުގެ 44 މިސްކިތެއް ޢާއްމުކޮށް ދައްކާލުމަށްޓަކައި ހުޅުވާނެއެވެ. އެއީ މުޖްތަމައުގެ އެކުވެރި ކަމާ އެއްބައިވަންތަކަން ހާމަކުރުމުގެ ގޮތުންނެވެ.

ސައުތް އެފްރިކާ މުސްލިމް ނެޓްއޯރކް (SAMNET)ގެ ޗެއާމަން ޑރ. ފައިސަލް ސުލައިމާން ވިދާޅުވީ ”އާޘާރީ ދުވަހު، ސައުތް އެފްރިކާ މަޝްޣޫލުވެ އުޅޭނީ، އަދި އުނގެނެމުންދާނީ ތަފާތު ޘަޤާފީ ކަންކަމެވެ. ތަފާތު އެކިއެކި ޘަޤާފަތްތަކުގެ މީހުނާއެކުު އުފެދިފައިވާ މިޤައުމަށް، އެބައިމީހުންގެ އުޅުމާއި ގުޅުމުގެ ތެރެއިން އާދެވިފައިމިވަނީ ކިހާ ހިސާބަކަށްކަން އަޅުގަނޑުމެންނަށް މިޙަފްލާއިން ދެނެގަނެވޭނެއެވެ.“

އިޝްތިހާރު

އާޘާރީ ދުވަސް ފާހަގަކުރުމުގެ ގޮތުން މިއަދު މިސްކިތައް ހުޅުވާލެވެނީ އެކިދީންތަކުގެ މީހުންނަށް އެތަނުގެ ތެރެއަށްވަދެ ބެލޭގޮތަށެވެ. އިސްލާމުންގެ ފަންނީ މަސައްކަތްތެރިކަމާ، މިސްކިތުތެރޭގައި ވާކަންކަން ޙަޤީޤީ މުސްލިމުންގެ ކިބައިން އުނގެނި ދަސްކުރުމުގެ ފުރުޞަތެއްގެ ގޮތުގައެވެ. އަދި މީގެ އިތުރުން މުސްލިމް އަންހެނުން ހިޖާބުއަޅާ ބޯނިވާކުރަނީ ކީއްވެކަން ބަޔާންކޮށްދެވިގެން ދާނެކަންވެސް ޑރ، ފައިސަލް ފާހަގަކުރެއްވިއެވެ. މި ޕްރޮޤުރާމުގެ ތެރޭގައި ބައްދަލުވެ ސަލާންގަލާން ކުރުމުގެ އިތުރުން، ނަމާދު ކުރާގޮތާއި ވުޟޫ ކުރާގޮތް ކިޔައިދީ އުނގަނައިދެވޭނެއެވެ. އަދި އިސްލާމްދީނާމެދު އުފެދޭ ޝައްކުތަށް ފިލުވާލުމަށް ސުވާލު ޖަވާބު ސެޝަނެއްވެސް ހިމަނާފައިވެއެވެ.

2018ގެ ”ނޭޝަނަލް މޮސްކް އޯޕަންޑޭ“ގައި 800އެއްހައި މީހުން ބައިވެރިވިއެވެ. އެއަހަރު 4 ޕްރޮވިންސްއަކުން 20 މިސްކިތެއް ބައިވެރިވިއެވެ. ”ޝާކާ ހެރިޓޭޖް ޑޭ“ އަކީ ޒުލޫ ރަސްގެފާނު ޝާކާގެ ހަނދާނުގައި ބާއްވާ ޙަރަކާތެކެވެ. ޒުލޫ އަކީ ސައުތް އެފްރިކާ ޤައުމެއްގެ ގޮތުގައި އުފެއްދި ބާނީއެވެ.