އަޙްމަދު ޝަބީންގެ ދެ ގޯލުން ވަންދޫއިން އޮމަދޫ ބަލިކޮށްފި
އެމްޕީ ކަޕް 2018 ގެ ތިންވަމަ މެޗު އަޙްމަދު ޝަބީންގެ ދެ ގޯލުން ވަންދޫއިން އޮމަދޫ ބަލިކޮށްފިއެވެ.
ތ. ވަންދޫގައި މިހާރު ކުރިއަށްދާ މި މިބާރާތުގައި މިއަދު ހަވީރު ކުޅުނު މެޗުގައި ބައްދަލުކުރީ މުބާރާތް ބާއްވާ ރަށް، ވަންދޫ އާއި އޮމަދޫ އެވެ. މިމެޗު 2 ލަނޑު 1 ލަނޑުން ކާމިޔާބުކުރީ ވަންދޫއެވެ.
މި މެޗުގައި ވަންދޫގެ 2 ލަނޑުވެސް އަޙްމަދު ޝަބީން ޖަހާފައިވާ އިރު، މޭން އޮފް ދަ މެޗު ހޯދީ އެޓީމުގެ ޝިރްހާން އަހްމަދެވެ.
މި މުބާރާތުގެ 4 ވަނަ މެޗުގައި މާދަމާ ހަވީރު ބައްދަލުކުރާނީ ކިނބިދޫ އާއި ހިރިލަންދޫ އެވެ.
މިއީ ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު ޢަބްދުﷲ ރިޔާޒު، އެދާއިރާގެ ރަށްތަކަށް ބާއްވަމުން އަންނަ މުބާރާތެކެވެ. އަދި މިއީ ޢަބްދުﷲ ރިޔާޒުގެ ކެމްޕެއިންގައި ވެވަޑައިގެންފައިވާ ވަޢުދެކެވެ.
އެދާއިރާގެ 5 ރަށަށް އަމާޒުކޮށްގެން ބާއްވާ މި މުބާރާތުގެ މިއީ 5 ވަނަ އަހަރެވެ. އަދި މިއީ މިމުބާރާތުގެ ފަހު އަހަރުވެސްމެއެވެ.
މިލިޔުން ކިޔާލުމުން
