މެމްބަރ ރިޔާޒުގެ ’އެމްޕީ ކަޕް‘ ޑިސެމްބަރ 2 ގައި ފަށަނީ
ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު ޢަބްދުﷲ ރިޔާޒު ކިނބިދޫ ދާއިރާގެ ރަށްތަކަށް ހުޅުވާލައިގެން ބާއްވާ ’އެމްޕީ ކަޕް 2018‘ އަންނަ ޑިސެމްބަރ މަހު ފެށުމަށް ނިންމައިފިއެވެ.
މުބާރާތް އިންތިޒާމުކުރުމުގައި އިސްކޮށްއުޅުއްވާ ފަރާތަކުން އެޓޯލްނިއުސްއަށް މަޢުލޫމާތު ދެއްވަމުން ވިދާޅުވީ މިއަހަރުގެ މުބާރާތް ފަށާނީ އަންނަ ޑިސެމްބަރ މަހުގެ 2 ވަނަ ދުވަހު ކަމަށެވެ.
މިއީ ކިނބިދޫ ދާއިރާގެ މަޖިލިސް މެމްބަރުކަމަށް ޢަބްދުﷲ ރިޔާޒު ކުރިމަތިލެއްވި އިރު ވެވަޑައިގެންފައިވާ ވަޢުދުގެ ތެރޭގައި ހިމެނޭ ވަޢުދެކެވެ. އެމަނިކުފާނު ވަޢުދުވެވަޑައިގެންފައިވަނީ ކިނބިދޫ ދާއިރާގެ ރަށްތަކަށް ހުޅުވާލައިގެން ކޮންމެ އަހަރަކުވެސް ފުޓްބޯޅަ މުބާރާތެއް ބޭއްވުމަށެވެ. އެގޮތުން މިއީ މުބާރާތް ބާއްވާ 5 ވަނަ އަހަރެވެ.
ފާއިތުވި 4 އަހަރުވެސް އެދާއިރާގައި ހިމެނޭ 5 ރަށުގެ މެދުގައި މި މުބާރާތް ވަނީ ބާއްވާފައެވެ. އަދި މިއީ އެގޮތުން ބާއްވާ ފަހު މުބާރާތެވެ.
މިއަހަރުގެ މުބާރާތުގައިވެސް އެދާއިރާގެ 5 ރަށް ކަމަށްވާ އޮމަދޫ، ހިރިލަންދޫ، ކިނބިދޫ، ކަނޑުދޫ އަދި ވަންދޫ ވަނީ ބައިވެރިވެފައެވެ. ކޮންމެ އަހަރަކުވެސް މި މުބާރާތް ބާއްވަމުން އަންނަނީ ދާއިރާގެ ތަފާތު ރަށެއްގައެވެ. އެގޮތުން މިއަހަރުގެ މުބާރާތް އޮންނާނީ ވަންދޫގައެވެ.
މުބާރަތުގެ ޗެމްޕިއަން ޓީމަށް 50،000 ރުފިޔާ، ރަނަރ-އަޕް ޓީމަށް 10،000 ރުފިޔާ ދޭ އިރު، މުބާރާތުގައި ބައިވެރިވާ ކޮންމެ ޓީމަކަށް ތައްޔާރުވުމުގެގޮތުން 5،000 ރުފިޔާ އަންނަނީ ދެމުންނެވެ.
ފައިބެއަހަރުގެ ޗެމްޕިއަންއަކީ ކިނބިދޫއެވެ. އަދި ރަނަރ-އަޕް އަކީ ހިރިލަންދޫއެވެ.
މިލިޔުން ކިޔާލުމުން
