ވިލާ އެއަރގެ ފްލައިމީގެ ދަތުރުތައް އައްޑޫ އަދި ފުވައްމުލަކު ސިޓީއަށް ފަށައިފި
ވިލާ އެއަރގެ ފްލައިމީގެ ދަތުރުތައް އައްޑޫ އަދި ފުވައްމުލަކު ސިޓީއަށް ފަށައިފިއެވެ.
އެ ދަތރުުތައް އަލުން މިއަދު ފަށާފައިވާ އިރު، އެއްކޮޅު ޓިކެޓެއް ވިއްކަނީ 999 ރުފިޔާއަށެވެ.
އެ ފްލައިޓުގެ ދަތުރުތައް އައްޑޫ އާއި ފުވައްމުލަކު ސިޓީއަށް ކުރާނީ އާދީއްތަ އިން ފެށިގެން ބުދަ ދުވަހަށް މެންދުރު ފަހު 13:00ގައެވެ. އަދި ބުރާސްފަތި ދުވަހުން ހޮނިހިރަށް ދަތުރުތައް ބާއްވަނީ ހަވީރު 16:00ގައެވެ.
ޕަސިންޖަރުންގެ ޚިޔާލަށް ބަލާ، އިތުރު ބަދަލުތައް ގެނައުމަށް ނިންމާފައިވާ އިރު، ފްލައިމީގެ ދަތުރުތައް އެ ދެ ސިޓީއަށް ފަށާފައިވާ މިވަނީ ތިން އަހަރުގެ މެދުކެނޑުމަކަށް ފަހުއެވެ. އަދި ދަތުރުތައް އެ ދެ ސިޓީއަށް ފެށުމުން ގިނަ ބަޔަކުވަނީ ފްލައިމީއަށް ޝުކުރު އަދާކޮށްފައެވެ.
ފްލައިމީގެ ދަތުރުތައް 2013 އިން 2015 އަހަރުގެ މެއި މަހުގެ 23 ވަނަ ދުވަހުގެ ނިޔަލަށް އައްޑު އާއި ފުވައްމުލަކާއި ގދ. ކާޑެއްދޫ އަދި ގއ. ކޫއްޑޫއަށް ވަނީ ކޮށްފައެވެ.
ފްލައިމީން މިހާރުވެސް އަންނަނީ އދ. މާމިގިލި އެެއަރޕޯޓަށާއި ބ. ދަރަވަންދޫ އެއަރޕޯޓަށްވެސް ދަތުރު ކުރަމުންނެވެ.
މިލިޔުން ކިޔާލުމުން
