އިސްލާމް ދީނަކީ އެއްބައިވަންތަކަމަށް ގޮވާލާ ދީން..
އިސްލާމް ދީނަކީ އެއްބައިވަންތަކަމަށް ގޮވާލާ ދީން ކަމަށް މިއަދުގެ ހުކުރު ޚުޠުބާގައި ބުނެފިއެވެ.
ޚުޠުބާގައި ބުނީ އިސްލާމް ދީނަކީ އެކަކު އަނެކަކަށް އެއްބަޔަކު އަނެއްބަޔަކަށް އޯގާވެރިވެ، ރަޙުމްކުރުމަށް ގޮވާލާ ދީން ކަމަށާއި އެކަކަށް ދަތި އުނދަގޫކަމެއް ނުވަތަ ހިތާމައެއް ކުރުމަތިވެއްޖެނަމަ އެމީހަކަށް ގޮވާލާ ދީން ކަމަށެވެ. އަދި އަދި އެކަކު އަނެކެއްގެ ޙައްޤުތަކަށް ރައްކާތެރިވުމަށް އަމުރުކުރާ ދީން ކަމަށެވެ.
މީގެ އިތުރުން އެކަކު އަނެކެއްގެ މުދަލާއި އަބުރަށް ރައްކާތެރިވުމަށް އަމުރުކުރާ ދީން ކަމަށާއި ދޭދޭ ފަރުދުންގެ މެދުގައި އޮންނަ ގުޅުން ބަދަހި ކުރުމަށް ގޮވާލާ ދީން ކަމަށްވެސް ޚުޠުބާގައި ވަނީ ބުނެފައެވެ. އަދި އިސްލާމީ އުއްމަތުގެ ކޮންމެ ފަރުދަކުވެސް އޭނާގެ ދުލާއި އަތް އެހެންމީހުންނަށްއުނދަގޫވާފަދަ ކަންކަމުން ރައްކާތެރިވުމަށް ގޮވާލާ ދީން ކަމަށެވެ.
ކީރިތި ޤުރްއާނާއި ކީރިތި ރަސޫލާގެ ޙަދީޘްފުޅުތަކުން ދަލީލު ދައްކަމުން ޚުޠުބާގައި ބުނީ ”މުއުމިނުން އެކަކު އަނެކަކަށް، އެއްބަޔަކު އަނެއްބަޔަކަށް ލޯބިވެ، ރަޙުމްކޮށް، އޯގާތެރިވުމުގައި އެއުރެންގެ މިޘާލަކީ އެއްހަށިގަނޑުގެ މިޘާލު“ ކަމަށެވެ.
”އެ ހަށިގަނޑުން ގުނަވަނެއްގައި ވޭން އަޅައިފިނަމަ، މުޅި ހަށިގަނޑު ހޭލާ ހުރުމުންނާއި ހުންއައުމުން އެ ގުނަވަނާ އެއްބައިވަންތަކަން ޤާއިމުކުރޭ“ ޚުޠުބާގައި ބުންޏެވެ.
މިލިޔުން ކިޔާލުމުން
