ރޯވި އަލިފާން ގަނޑުގެ 95 އިންސައްތަ ކޮންޓްރޯލުކޮށްފި
މއ. ސެމީ ޑީލްގައި ރޯވެފައިވާ އަލިފާން ގަނޑުގެ 95 އިންސައްތަ ކޮންޓްރޯލުކުރެވިފައިވާ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފް އިން ބުނީ ޗާންދަނީ މަގުގައި ހުންނަ 10 ބުރީގެ މި ޢިމާރާތުގެ 4 ވަނަ ފަންގިފިލާގައި ރޯވި އަލިފާން ގަނޑު ފެތުރުން ކޮންޓްރޯލުކުރެވިފައިވާ ކަމަށެވެ. އަދި މިއަދު ހަވީރު 17:35ގައި މި ހާދިޘާގެ ރިޕޯޓު އެމްއެންޑީއެފްގެ ފަޔަރ އެންޑް ރެސްކިއު ޓީމަށް ލިބުމާއެކު ވަގުތުން އަލިފާން ނިއްވުމުގެ މަސައްކަތް ފަށާފައިވާ ކަަމަށެވެ.
ގުދަނެއްގެ ގޮތުގައި ބޭނުންކުރާ މި ފަންގިފިލާގައި ހުރީ އައިސް އަލަމާރި އާއި އިލެކްޓްރޯނިކްސް ސާމާނާއި ބަދިގެ ސާމާނު ކަމަށާއި ގުދަނުގައި ހުރި ސާމާނުގެ ސަބަބުން އެ އެއްޗެހި ގޮވާ އަޑު އިވެމުންދާ ކަމަށްވެސް އެ އިދާރާއިން ކުރިން ވަނީ ބުނެފައެވެ.
މި ހާދިޘާގައި އެ ޢިމާރާތުގެ 3 ވަނަ ފަންގިފިލާއަށްވެސް އަލިފާނުގެ އަސަރު ކޮށްފައިވާ ކަމަށާއި އަލިފާން ނިއްވުމުގައި ހަރަކާތްތެރިވި ސިފައިންގެ 3 މީހަކަށް ދުމުގެ އަސަރުކޮށްގެން ސެނަހިޔާ ހޮސްޕިޓަލަށް ގެންގޮސްފައިވާ ކަމަށްވެސް ވަނީ ބުނެފައެވެ. އަދި އެތަނުން އެކަކަށް ފަރުވާ ދިނުމަށްފަހު މިހާރުދޫކޮށްލާފައިވާ ކަމަށްވެސް ބުންޏެވެ.
މިލިޔުން ކިޔާލުމުން
