ތޮއްތޮންބެ ކަޕް ނޮވެމްބަރު 30 ގައި ފަށަނީ..
މާލެއަތޮޅު ގުރައިދޫގައި ބާއްވާ ފޯރިގަދަ ފުޓްބޯޅަ މުބާރާތް ’ތުއްތޮންބެ ކަޕް‘ މި ނޮވެމްބަރ މަހުގެ ފެށުމަށް ނިންމައިފިއެވެ.
މި މުބާރާތް އިންތިޒާމު ކުރުމުގައި އިސްކޮށް އުޅުއްވާ އޮފިޝަލަކު އެޓޯލްނިއުސްއަށް ވިދާޅުވީ މިއަހަރުގެ މުބާރާތް ފަށާނީ މި މަހުގެ 30ވާ ހުކުރު ދުވަހު ކަމަށެވެ. އަދި މިއަހަރުގެ މުބާރާތުގައި 6 ޓީމަކުން ވާދަކުރާ ކަމަށެވެ.
އޭނާ އިތުރަށް ވިދާޅުވީ މުބާރާތުގެ ގުރުއަތުލުން މި މަހުގެ 9 ވީ ހުކުރު ދުވަހުގެ ރޭ 21:00ގައި ބާއްވާފައިވާ ކަމަށާއި މިއަހަރުގެ މުބާރާތުގައި 18 މެޗު ކުޅޭނެ ކަމަށެވެ.
މި މުބާރާތުގައި ވާދަކުރާ 6 ޓީމަކީވެސް ގުރައިދޫގެ ޓީމުތަކެވެ. އަދި މިއީ މި މުބާރާތް ބާއްވާ ދެވަނަ އަހަރެވެ.
ތުއްތޮންބެ ކަޕަކީ ރައްޔިތުންގެ މަޖިލީހުގެ ގުރައިދޫ ދާއިރާގެ މެމްބަރު އަލްއުސްތާޛު އިބްރާހިމް ރިޒާގެ އިސްނެންގެވުމަކަށް ބާއްވާ މުބާރާތެކެވެ.
މި މުބާރާތް ބޭއްވުމުގެ މަޤުޞަދަކީ ރަށުގެ ޒުވާނުންގެ މެދުގައި ފުޓްބޯޅައިގެ ހުނަރު އިތުރުކުރުވާ، އެފަދަ ޒުވާނުންނަށް މުބާރާތްތަކުގައި ވާދަކުރުމަށް މަގުފަހިކޮށްދިނުމެވެ. އަދި އެއްމާޙައުލަކުން ބައްދަލުވެ، އެކުވެރިކަމާއެކު މަޖާކޮށް ކުޅިވަރުގެ ރޫޙު އަށަގެންނެވުމެވެ.
މިލިޔުން ކިޔާލުމުން
