މީދޫ ޖޫނިއަރ ފުޓްބޯލް ޗެލެންޖު ބާއްވާ ދަނޑު ސާފުކޮށްފި
ރ. އަތޮޅު މީދޫ، ރަތްދަޅަގޭ އަލްމަރްޙޫމް ސަޢީދު މުޙައްމަދުގެ ހަނދާނުގައި ބާއްވާ ޖޫނިއަރ ފުޓްބޯލް ޗެލެންޖު ބާއްވާ ދަނޑު ސާފުކުރުމުގެ މަސައްކަތް މިއަދުކޮށްފިއެވެ.
މުބާރާތް އިންތިޒާމްކުރުމުގައި އިސްކޮަށް އުޅުއްވާ އަލްމަރްޙޫމް ސަޢީދު މުޙައްމަދުގެ ދަރިފުޅު އަޙްމަދު ސަޢީދު އެޓޯލްނިއުސްއަށް ދަނޑު ސާފުކުރުމުގެ މަސައްކަތުގައި މުބާރާތުގައި ބައިވެރިވާ ޓީމުތަކުގެ ކުދިންނާއި އެހެނިހެން ފަރާތްތަކުންވެސް ބައިވެރިވެފައިވާ ކަމަށެވެ.
މުބާރާތުގައި ބައިވެރިވުމަށް އެދޭ ފޯމް ފުރިހަމަކުރުމަށްފަހު، މީދޫ ’ރަތްދަޅަގެ‘ އަށް ހުށަހެޅުއްވުމަށް އެދޭ ކަމަށާއި މުބާރާތް ބޭއްވުމުގެ މަޤުޞަދަކީ ކުޅިވަރުގެ ތެރެއިން ރިވެތި އަޚްލާޤާއި އިޖުތިމާޢީ ރޫޙާއި އިސްވެ ހަރަކާތްތެރިވުން ދަސްކޮށްދިނުން ކަމަށްވެސް އޭނާ ވިދާޅުވިއެވެ.
މީގެ އިތުރުން ކުޅިވަރުގެ ނަމޫނާ ސިފަތައް އެކުދިންގެ ކިބައިގާ އަށަގަންނުވައި، ހުނަރުވެރި ކުޅުންތެރިން ބިނާކުރުމަކީވެސް މަޤުޞަދެއް ކަމަށްވެސް 13 އަހަރުންދަށުގެ ޢުމުރުފުރާއަށް އަމާޒުކޮށްގެން ބާއްވާ މި މުބާރާތާއިބެހޭގޮތުން އޭނާ ބުންޏެވެ.
މިލިޔުން ކިޔާލުމުން
