އަލް މަރްޙޫމް ޞަފިއްޔާ މުޙައްމަދުގެ ހަނދާނީ ބަށި މުބާރާތުގެ ފުރަތަމަ މެޗު ރިލެކްސް ކާމިޔާބުކޮށްފި
ރ. މީދޫގައި މިއަދު ފެށި އަލް މަރްޙޫމް ޞަފިއްޔާ މުޙައްމަދުގެ ހަނދާނީ ބަށި މުބާރާތުގެ ފުރަތަމަ މެޗު ރިލެކްސް ކާމިޔާބުކޮށްފިއެވެ.
އެޓީމުން މިއަދުގެ މެޗު ކާމިޔާބުކުރީ ރެހެނދި ޓީމާއިވާދަކޮށެވެ. މި މެޗުގައި ރިލެކްސް ޓީމުން 20 ލަނޑު 9 ފޯލި ހެދި އިރު، ރެހެނދި ޓީމަށް ހެދުނީ 7 ލަނޑު 11 ފޯއްޔެވެ.
އިޝްތިހާރު 
މި މެޗުގެ ކްއީން އޮފް ދަ މެޗުގެ މަޤާމަށް ހޮވުނީ ރިލެކްސް ޓީމުގެ ކެޕްޓަން ޖާރޒީ ނަމްބަރު 12 ނަތީފާ މުޙައްމަދެވެ. އޭނާވަނީ މި މެޗުގައި 88 ބޯޅަ ސައިކޮށް، 17 ބޯޅަ ހިފާ، 8 ލަނޑު ޓީމަށް ހަދައިދީފައެވެ.
މިއަދުގެ މެޗުގައި ރެހެނދި ޓީމުގެ ކުޅުމަށް ބަލާލާ އިރު، އައިމިނަތު އަޙްމަދު ވަނީ 36 ބޯޅަ ސައިކޮށް، 22 ބޯޅަ ހިފާފައިވާ އިރު، ޒިޔާދާ ވަނީ 27 ބޯޅަ ސައިކޮށް، 3 ލަނޑު ހަދާފައެވެ.
މިލިޔުން ކިޔާލުމުން
