ދިރާގު ސްޕެޝަލް ސްޕޯޓްސް ފެސްޓިވަލް ބާއްވައިފި
ދިރާގުގެ ސްޕެޝަލް ސްޕޯޓްސް ފެސްޓިވަލްގެ މިއަހަރުގެ ހަރަކާތްތައް މިއަދު ބާއްވައިފިއެވެ.
ނުކުޅެދުންތެރިކަން ހުންނަ ކުދިންނަށް އަމާޒުކޮށްގެން ބާއްވާ މި ފެސްޓިވަލް މިއަހަރު ބާއްވާފައިވަނީ މިއަދު ހަވީރު 16:00 އިން އިރުއޮއްސި 17:45އަށް ހެންވޭރު ފުޓްބޯޅަ ދަނޑުގައެވެ.
މިއަހަރުގެ ފެސްޓިވަލުގައި މި އަހަރު 4 އެންޖީއޯ އާއި 11 ސްކޫލެއް ވަނީ ބައިވެރިވެފައެވެ. 350އަށްވުރެ ގިނަ ފަރާތްތަކުން ބައިވެރިވެފައިވާ މިއަހަރުގެ ފެސްޓިވަލުގައި ބެޓްން ރިލޭ، ދުވުން ފަދަ ކުޅިވަރުތައް ވަނީ ބާއްވާފައެވެ.
ދިރާގުން 2011 ވަނަ އަހަރުން ފެށިގެން ބާއްވަމުން އަންނަ މި ފެސްޓިވަލަކީ ތަފާތު ނުކުޅެދުންތެރިކަން ހުންނަ ކުދިންނަށް އެއްތަނަކުން އެ ހުރިހާ ކުދިންނަށް މަޖާކޮށްލުމުގެ ފުރުޞަތު ފަހިކޮށްދިނުމާއެކު އެފަދަ ކުދިންގެ ކޮންފިޑެންސް ލެވެލް އިތުރުކުރުމުގެ މަޤުޞަދުގައި ބާއްވަމުން އަންނަ ފެސްޓިވަލެކެވެ.
ފައިބެއަހަރުތަކެކޭ އެއްފަދައިން މިއަހަރުގެވެސް ކުޅިވަރުތަކުގައި ބައިވެރިވި ފަރާތްތަކަށް ވަނީ މެޑެލް ދީފައެވެ.
މިލިޔުން ކިޔާލުމުން
