ހައްދުންމަތީ މުންޑޫއަށް ނަގޫރޯޅިއެއް އަރައިފި
ހައްދުންމަތީ (ލ. އަތޮޅު) މުންޑޫއަށް ނަގޫރޯޅިއެއް އަރައިފިއެވެ.
މަޢުލޫމާތު ލިބިފައިވާ ގޮތުގައި ނަގޫރޯޅި އެރުމުގެ ސަބަބުން ދެ ގެއަކަށްވަނީ އެކިވަރުގެ ގެއްލުންތައް ލިބިފައެވެ. އަދި ނަގޫރޯޅި އަރާފައިވަނީ މިއަދު މެންދުރު 13:45 އެހާކަންހާ އިރުއެވެ.
އެރަށުން ވާހަކަދެއްކި މީހަކު ބުނީ އެ ހާދިޘާގައި އެއްވެސް މީހަަކަށް ގެއްލުމެއް ލިބަފައެއް ނުވެއެވެ. ނަމަވެސް ނަގޫރޯޅީގެ ސަބަބުން ދެ ގޭގެ ފުރާޅު އެއްލާލުމުން އެ ދެގޭގެ ގޭތެރޭގައި ގެންގުޅޭ ސާމާނުތައް ބޭނުންނުކުރެވޭވަރަށް ހަލާކުވެފައިވާ ކަމަށެވެ.
މި ހާދިޘާއާގުޅިގެން އެމްއެންޑީއެފް އިން އެރަށުގައި މިހާރު އަންނަނީ ހަރަކާތްތެރިވަމުންނެވެ. އަދި ރަށު ކައުންސިލާއި ރައްޔިތުން ގުޅިގެން އެ ދެ ގޭގެ ފުރާޅުގައި މިހާރުވަނީ ސަތަރި އަޅާފައެވެ.
ރާއްޖޭގެ ބޮޑުބަޔަކަށް މިހާރު ކުރަމުން އަންނަ ވިއްސާރައިގާ އެކި ވަގުތުތަކުގައި މެޓް އޮފީހުން އަންނަނީ ތަފާތު އެކި އެލަރޓްވެސް ނެރެމުންނެވެ.
މިލިޔުން ކިޔާލުމުން
