ލެޕްޓޮޕްތައް ގެއްލުނަސް އިމްތިޙާނުގެ ސައްޙަކަަމަށް އަސަރެއް ނުކުރާނެ: އައިއެމްޔޫ
ދިވެހިރާއްޖޭގެ އިސްލާމިކް ޔުނިވަރސިޓީގެ އެކަޑެމިކް ބައެއް މުވައްޒަފުން ބޭނުންކުރާ ލެޕްޓޮޕްތައް ގެއްލުނަސް އިމްތިޙާނުގެ ސައްހަކަށް އޭގެ އަސަރެއް ނުކުރާނެކަމަށް އައިއެމްޔޫ އިން ބުނެފިއެވެ.
އައިޔޫއެމް އިން މިއަދު ނެރެފައިވާ ނޫސްބަޔާނެއްގައި ބުނެފައިވަނީ އެ ޔުނިވަރސިޓީގެ އެކަޑެމިކް ބައެއް މުވައްޒަފުން ބޭނުންކުރާ ލެޕްޓޮޕްތަކެއް ގެއްލުނަސް އެ ޔުނިވަރސިޓީގައި ކުރިއަށްދާ އިމްތިޙާނަށް އޭގެ އަސަރެއް ނުކުރާނެކަމަށެވެ. އަދި ދަރިވަރުންނަށް އިމްތިޙާންތައް ދޭނީ ޝައްކެތްނެތް މިންވަރަށް އިމްތިޙާނުގެ ކަންކަން ކަށަވަރު ކުރުމަށްފަހު ކަމަށެވެ.
”ދަރިވަރުން އިމްތިޙާން ކުރުމާއި ފެންވަރު ވަޒަން ކުރުމުގެ ޤަވާޢިދުގައިވާ ގޮތުގެމަތީން ކަމުގައި ޔަޤީންކޮށްދެން“ ނޫސްބަޔާނުގައި ބުނެފައިވެއެވެ.
ލެޕްޓޮޕްތައް ގެއްލުނު މައްސަލަ ފުލުހުންގެ އިދާރާއަށް ހުށަހަޅައި، މި މައްސަލަ ތަޙްޤީޤު ކުރުމުގެ މަރުޙަލާ ކުރިއަށްދާ މިދަނޑުވަޅުގައި ބައެއް ނޫސްތަކުން މި މައްސަލައިގެ ޙަޤީޤަތް އޮޅޭގޮތަށް ޚަބަރުތައް ގެނެސްދެމުންދާތީ، އެކަން ހަރުކަށި ޢިބާރާތުން ކުށްވެރިކުރާ ކަމަށާއި މިފަދަ ކަންކަން ނުކުރުމަށް އިލްތިމާސް ކުރާކަމަށްވެސް އައިއެމްޔޫގެ ނޫސްބަޔާނުގައި ވަނީ ބުނެފައެވެ.
މިލިޔުން ކިޔާލުމުން
