އޭޑީކޭ އިން ބާއްވާ ދެވަނަ ބްރެއިން އެންޑް ސްޕައިން ކޮންފަރެންސް އަންނަ މަހު ބާއްވަނީ..
ސިކުނޑި އާއި މައިބަދައިގެ މައްސަލަތަކަށްދޭ ފަރުވާ އާބެހޭގޮތުން އޭޑީކޭ އިން ބާއްވާ ކޮންފަރެންސް އަންނަ މަހު ބާއްވަން ނިންމާފައިވާ ކަމަށް އެ ހޮސްޕިޓަލުން ބުނެފިއެވެ.
އޭޑީކޭގެ ދެވަނަ ބްރެއިން އެންޑް ސްޕައިން ކޮންފަރެންސާއި ބެހޭގޮތުން އެ ހޮސްޕިޓަލުން ބުނީ ނޮވެމްބަރު މަހުގެ6 އަދި 7 ގައި ޕެރަޑައިސް އައިލޭންޑް ރިސޯޓުގައި ބާއްވާ މި ކޮންފަރެންސަކީ ސިކުނޑި އާއި މައިބަދައިގެ މައްސަލަތަކަށް ދެވޭ ފަރުވާއާ ބެހޭގޮތުން އެކަމަށް ޚާއްޞަ ޑޮކްޓަރުންނާއި ތަޖުރިބާކާރުންގެ މެދުގައި މަޝްވަރާކޮށް މަޢުލޫމާތު ޙިއްސާ ކުރުމަށް ބާއްވާ ކޮންފަރެންސެއް ކަމަށެވެ.
މީގެ އިތުރުން އޭޑީކޭ އިން ބުނީ ސިކުޑި އާއި މައިބަދައިގެ ބަލިތަކާއި އެ ބަލިތަކަށް ފަރުވާދިނުމަށް ކުރެވޭ ދިރާސާތަކާއި އެ ދާއިރާގައި ބޭސްފަރުވާ ދިނުމަށް ހޯދިފައިވާ އެންމެ ފަހުގެ އީޖާދުތަކާ ހޯދުންތަކާއި ބެހޭގޮތުން މި ކޮންފަރެންސްގައި މަޝްވަރާ ކުރާނެ ކަމަށެވެ. އަދި އުފެއްދުންތަކާ ބެހޭގޮތުންވެސް މަޝްވަރާ ކުރާނެ ކަމަށެވެ.
މިއަހަރުގެ ކޮންފަރެންސްގައިވެސް ރާއްޖެ އާއި ރާއްޖެއިން ބޭރުގެ ތަޖުރިބާކާރުން ބައިވެރިވާނެކަމަށް އެ ހޮސްޕިޓަލުން ބުންޏެވެ.
މިލިޔުން ކިޔާލުމުން
