ފީފާއިން ވިނަ ދަނޑު އަޅާ ރަށްތަކުގެ ތެރޭގައި ލ. އަތޮޅުގެ ރަށެއް ނުހިމެނޭ

ދުނިޔޭގެ ފުޓުބޯޅައިގެ މައި އިދާރާ، ފީފާއިން ރާއްޖޭގައި އަޅާ ވިނަ ދަނޑުތައް އަޅާނެ ރަށްތައް ފުޓުބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން އިއުލާނު ކުރި އިރު، ލ. އަތޮޅުގެ އެއްވެސް ރަށެއް ނުހިމެނުމުން ލ. އަތޮޅުގެ ގިނަ ބަޔަކު މީސް މީޑިއާގައި ނުރުހުން ފާޅުކުރަމުން އެބަގެންދެއެވެ.

ވިނަ ދަނޑުތައް އަޅަން އެފްއޭއެމްއިން ނިންމާފައިވާ ރަށްތަކަކީ، ހއ. މުރައިދޫ، ހއ. ދިއްދޫ، ހދ. ކުޅުދުށްފުށި، ށ. މިލަންދޫ، ށ. ފޯކައިދޫ، ރ. އަލިފުށި، ބ. އޭދަފުށި، ބ. ފެހެންދޫ، އއ. މާޅޮސް، އދ. ފެންފުށި، ދ. ކުޑަހުވަދޫ، ފ. ނިލަންދޫ، ގދ. ތިނަދޫ، ގދ. ހޯޑެއްދޫ، ތ. ތިމަރަފުށި، ޏ. ފުވައްމުލައް، ސ. ފޭދޫ އަދި ސ. ހިތަދޫއެވެ.

އިޝްތިހާރު full width ad 1200 x 150

ލ. އަތޮޅުގެ އިތުރުން ނ. އަތޮޅުގެ ރަށެއް ވެސް މި ޕްރޮޖެކްޓުގައި ހިމަނާފައި ނުވެއެވެ. މިއީ އެއްވެސް އިންސާފެއް ނޫން ކަމަށް އެ އަތޮޅަށް ނިސްބަތްވާ ގިނަ މީހުން ދަނީ ބުނަމުންނެވެ. ނ. އަތޮޅަކީ ގައުމީ ޓީމަށާއި ދިވެހި ފުޓުބޯޅައަށް ގިނަ މޮޅު ކުޅުންތެރިން ނެރެދީފައިވާ އަތޮޅެއް ކަން ފާހަގަކޮށްލެވެއެވެ.

މީސް މީޑިއާގައި މިކަމާއި ޝުއޫރު ފާޅުކުރަމުންދާ، ހާއްސަކޮށް ލ. އަތޮޅުގެ ރައްޔިތުން ބުނާ ގޮތުގައި ރާއްޖޭގެ ގައުމީ ޓީމުގައި ލ. އަތޮޅަށް ނިސްބަތްވާ ގިނަ ކުޅުންތެރިންތަކެއް ހިމެނޭއިރު، ރަނގަޅު ފެންވަރުގެ ދަނޑުތަކެއް އެ އަތޮޅުގެ ރަށްތަކުގައި އޮތުން ވަރަށް މުހިންމު ކަމަށެވެ.

އެފްއޭއެމްގެ ރައީސް ބައްސާމް އަދީލް ޖަލީލް ވިދާޅުވީ ދަނޑުތައް އަޅާނެ ރަށްތައް ނިންމާފައިވަނީ މިދިޔަ އަހަރާއި މި އަހަރުގެ މިނިވަން ޗެމްޕިއަންޝިޕް މުބާރާތުގައި ގަދަ އަށަކަށް ދަތުރުކުރި ޓީމުތަކަށް ބަލާފައިކަމަށާއި އިތުރު ދެ ރަށް ހިމަނާފައިވަނީ ގިނަ ބަޔެއްގެ އެދުމުގެ މަތިން ކުރިމަގަށް ވިސްނާފައި ކަމަށެވެ.

ބައްސާމް ވިދާޅުވީ އެފްއޭއެމްއިން ފީފާގެ ފުލީ ފަންޑެޑް ޕްރޮޖެކްޓެއްގެ ދަށުން މިހާރު ކުރިއަށް ގެންދަނީ އަހަރަކު ގުދުރަތީ ވިނައިގެ 20 ދަނޑު އެޅުމުގެ މަސައްކަތް ކަމަށާއި، އެފަދަ އިންފްރާސްޓްރަކްޗާއެއް ގާއިމްވެގެން ދިއުމަކީ ރާއްޖޭގެ ފުޓުބޯޅައަށް ލިބޭނެ ބޮޑު ކުރިއެރުމަކަށް ކަމަށެވެ.

 

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.