ކުރުމުއްދަތެއްގައި އިސްލާމީ ބޮޑު ޙަޟާރަތެއް ދުނިޔޭގައި ޤާއިމުކުރެވުނީ ކީރިތި ޤުރްއާނުގެ ސަބަބުން
ކުރުމުއްދަތެއްގައި އިސްލާމީ ބޮޑު ޙަޟާރަތެއް ދުނިޔޭގައި ޤާއިމުކުރެވުނީ ކީރިތި ޤުރްއާނުގެ ސަބަބުންކަމަށާއި އޭގެ ސަބަބުން ލިޔުމާއި ކިޔުމާއި ފިކުރާއި ވިސްނުމާއި އިޚްލާޞްތެރި ޢަމަލާއި އުފެއްދުންތެރިކަން ފެށުނުކަމަށް ހުކުރު ޚުޠުބާގައި ބުނެފިއެވެ.
ޚުޠުބާގައި ބުނީ އެކަމުގެ ސަބަބުން އިސްލާމީ ޙަޟާރަތްވެފައިވަނީ ދުނިޔޭގެ ޤަދީމީ ޙަޟާރަތްތައް ވީރާނާވެ، އިންދިރާސްވުމުން ސަލާމަތްކޮށްދިން އުފެއްދުންތެރި އީޖާދުވެރި ޙަޟާރަތަކަށް ކަމަށެވެ. އަދި އިސްލާމީ ޢިލްމުވެރިންނަކީ އަޅުކަމަށް ވަޤުތުހުސްކުރިފަދައިން ފޮތްކިޔާ ފޮތްތަކުގައި ހިމެނޭ ތަފާތު މަޢުލޫމާތު އުނގެނި އެކަމަށް ވަޤުތުހުސްކުރި ޢިލްމުވެރިންކަމަށެވެ.
ދުނިޔޭގެ އެކި ކަންކޮޅުތަކުގައި އުޅުނު ޢިލްމުވެރިން ކުރައްވާފައިވާ ޢިލްމީ މަސައްކަތް ދިރާސާކޮށް އެ ޢިލްމަށް އިތުރު ތަރައްޤީ ގެނެސްދިނުމަށް ފޮތްތެރިވި ބޭކަލުން ކަމަށްވީ އިރު، އަދުގެ ދަރިވަރުންވެސް ފޮތްތަކަށް އަހުލުވެރިވާން ޖެހޭ ކަމަށް ޚުޠުބާގައި ބުނެފައިވެއެވެ. އަދި ފައިދާއެއް ނެތް ކަންކަމުގައި ކިޔަވާކުދިންގެ ބޭކާރުނުކޮށް ފޮތްތެރިބަޔަކަށްވުމަށް ވަޤުތުހުސްކުރުމަށްވެސް ވަނީ ގޮވާލާފައެވެ.
މިލިޔުން ކިޔާލުމުން
