އެންމެންވެސް އެންމެ ގިނައިން ކިޔަވަން ޖެހޭނީ ކީރިތި ޤުރްއާން
އަޅުގަނޑުމެން އެންމެންވެސް އެންމެ ގިނައިން ކިޔަވަން ޖެހޭނީ ކީރިތި ޤުރްއާން ކަމަށް ހުކުރު ޚުޠުބާގައި ބުނެފިއެވެ.
އިއްޔެގެ ހުކުރު ޚުޠުބާގައި ބުނީ އެންމެފުރަތަމަ އުނގެނެން ޖެހޭނީ ކީރިތި ޤުރްއާން ކަމަށާއި އެފޮތް ކިޔެވުމުން ލިބޭ ޘަވާބު މަތިވެރި ކަމަށެވެ.
”އަޅުގަނޑުމެންގެ ދަރިންގެ ހިތްތަކުގައި އިންދަންޖެހޭ އެންމެ މާތް އެއް އޮށަކީ ކިޔުމަށް ލޯބި ޖެއްސުން. ޢިލްމުން ގަހަނާ އެޅިގެންވާ ރަނގަޅު ޖީލެއް ބިނާކުރެވޭނީ އޭރުން“ ޚުޠުބާގައި ބުނެފައިވެއެވެ.
ކީރިތި ރަސޫލާގެ ޙަދީޘްފުޅުތަކުން ދަލީލް ދައްކަމުން ޚުޠުބާގައި ބުނީ ﷲގެ ފޮތުން އަކުރެއްކިޔެވި މީހާއަށް ހެޔޮ ޢަމަލެއް ކުރުމުގެ ޘަވާބު ލިބިގެންވާ ކަމަށާއި ކޮންމެ ހެޔޮކަމަކަށް 10 ޘަވާބު ލިބޭ ކަމަށެވެ.
ކީރިތި ޤުރްއާން ކިޔަވާމީހާ މިދުނިޔޭގައި މަގުފުރެދިގެން ނުދާނެ ކަމަށާއި އާޚިރަތުގައި އަބާއްޖަވެރި ނުވާނެކަމަށް ﷲ ޖާމިނުވޮޑިގެންވާ ކަމަށްވެސް ޚުޠުބާގައި ވަނީ ބުނެފައެވެ.
މިލިޔުން ކިޔާލުމުން
