އެޕަލް ކުންފުނިން އެންމެފަހުން ބާޒާރަށް ނެރުނު ދެ ފޯނު ދިރާގުން ލޯންޗުކޮށްފި
އެޕަލް ކުންފުނިން އެންމެފަހުން ބާޒާރަށްނެރުނު ދެ ފޯނު ކަމަށްވާ އައިފޯނު 10 އެސް އަދި 10 އެސް މެކްސް ދިރާގުން ލޯންޗުކޮށްފިއެވެ.
މި ދެ ފޯނު ރާއްޖެއަށް ލޯންޗުކުރުމުގެ ޙަފުލާ އޮތީ ރާއްޖޭގެ އެންމެދުވަސްވީ މުވާސަލަތީ ޚިދުމަތްދޭ ކުންފުނި ދިރާގުގެ ހެޑް އޮފީހުގައި މިއަދު މެންދުރު ބޭއްވި ޚާއްޞަ ރަސްމިއްޔާތެއްގައެވެ.
މި ރަސްމިއްޔާތުގައި ދިރާގުގެ ޑިވައިސް މެނޭޖަރ އަހުމަދު އިޝާން ވިދާޅުވީ ޕްރީއޯޑަރ ކުރި ކަސްޓަމަރުންނަށް ފޯނުތައް ދޫކުރަން ފަށާފައިވާ ކަަމަށެވެ. އަދި ޕްރީ އޯޑަރ ކުރި މީހުންގެ ތެރެއިން މާލެއާ ހުޅުމާލެއިން ފޯނު ގަތުމަށް އެދިފައިވާ މީހުންނަށް މިއަދު މެންދުރުފަހު 14:30ން އިރުއޮއްސި 18:00 އާހަމައަށް ފޯނު ގަތުމުގެ ފުރުޞަތު ދެވޭނެ ކަމަށެވެ.
’މިއަދު ފޯނާ ހަވާލުވެވެން ނެތް މީހުންނަށް ދިރާގުގެ ކަސްޓަމަރ ސަރވިސް ސެންޓަރުން މާދަމާ ފޯނު ލިބެން ހުންނާނެ. ޕްރީއޯޑަރުކުރުމަށް ހުޅުވާލުމާއެކު، ގިނަދުވަސްތަކެއްނުވެ، ހުރިހާ ފޯނެއް ވިކި ހުސްވެއްޖެ‘ އިޝާން ވިދާޅުވިއެވެ.
އޭނާ އިތުރަށް ވިދާޅުވީ ޕްރީއޯޑަރ ނުކުރެވުނު މީހުންނަށް ވަރަށް އަވަހަށް ފޯނު ގެނެސްދޭނެ ކަމަށެވެ.
ދިރާގުން ބުނީ މި އައިފޯނުތަކުގެ އަގު އުޅެނީ 20،000ރ އިން ފެށިގެން 30،000ރ. އާ ދެމެދުގެ އަގުތަކެއްގައި ކަމަށެވެ.
މިދިޔަ މަހު 12 ވަނަ ދުވަހު އެޕަލްއިން ވަނީ އައިފޯނު 10އެސް އަދި 10އެސް މެކްސް އަދި އައިފޯން 10އާރް ބާޒާރަށް ނެރެފައެވެ.
މިލިޔުން ކިޔާލުމުން
