މިއަހަރުގެ އެކިޑެން ރަން ބާއްވައިފި
މިއަހަރުގެ އެކިޑެން ރަން ހުޅުމާލޭގައި މިއަދު ބާއްވައިފިއެވެ.
ކުރީގެ މަޝްހޫރު ދުވުންތެރިޔާ ހުސައިން ހަލީމް (ކުޑަ ހުސައިން) އިސްނަގައިގެން ބާއްވާ މި ދުވުމުގައި 350 ދުވުންތެރިން ބައިވެރިވެފައިވާއިރު، އޭގެތެރޭގައި 200 ކުޑަ ކުދިންވެސް ވަނީ ދުވެފައެވެ.
ކުޑަ ކުދިންނަށް ޚާއްޞަކޮށްގެން ދެ ކެޓަގަރީއެއް ކުރިއަށް ގެންދިޔައެވެ. އެއީ ހަތަރު އަހަރާއި ހަތް އަހަރުގެ އުމުރުފުރައިގެ ކެޓަގަރީ އާއި 8 އަހަރާއި 12 އަހަރުގެ ކެޓަގަރީއެވެ.
ކުލަބު އެކަޑަމީ ކެޓަރީން އެއްވަނަ ހޯދީ ކޭއެޗް ސްޕޯޓްސް އެވެ. ދެވަނަ ހޯދީ މޭޑް ރަނަރސްއެވެ. އަދި ތިން ވަނަ ހޯދީ ރަސަސް ސްޕޯޓްސް އެވެ. އަދި ކުންފުނިތަކުން އެއްވަނަ ދިރާގު ހޯދި އިރު، ދެވަނަ ސްޓެލްކޯގެ އެއްވަނަ ޓީމު އަދި ތިން ވަނަ ހޯދީ ސްޓެލްކޯ ދެވަނަ ޓީމެވެ.
ޖަޕާންގައި މަޝްހޫރު ދުވުމެއް ކަމަށްވާ އެކެޑެން އެންމެ ފުރަތަމަ ރާއްޖޭގައި ބެއްވީ އަލްމަރުހޫމް ޒާހިރު ނަޞީރުގެ އޮލިމްޕިކް ކޮމެޓީގެ ރައީސް ކަމުގައި ހުންނެވިއިރު 1990ގެ އަހަރުތަކުގެ ތެރޭގައެވެ. އޭރު ވާދަވެރި ގޮތެއްގައި އިންޓަރ ސްކޫލް މުބާރާތް ކުރިޔަށްދިޔނަމަވެސް ގިނަ އަހަރުތަކެއްގެ މެދުޖެނޑުމަކަށްފަހު، ކުޑަ ހުސައިން އިސްނަގައިގެން މި ދުވުން ކުރިޔަށް ގެންދަން ފެށީ ފައިބެއަހަރުއެވެ.
މިލިޔުން ކިޔާލުމުން
