މާތްﷲ އަޅުގަނޑުމެންނަށް ދެއްވާފައިވާ އެންމެބޮޑު ނިޢުމަތަކީ އިސްލާމްކަމުގެ ނިޢުމަތް..

މާތްﷲ އަޅުގަނޑުމެންނަށް ގިނަގުނަ ނިޢުމަތްތަކެއް ދެއްވާފައިވާ އިރު، އަޅުގަނޑުމެންނަށް ދެއްވާފައިވާ އެންމެބޮޑު ނިޢުމަތަކީ އިސްލާމްކަމުގެ ނިޢުމަތްކަމަށް ހުކުރު ޚުޠުބާގައި ބުނެފިއެވެ.

މީގެ 900 އަހަރުކުރިން މާތްﷲ މިވަނީ އަޅުގަނޑުމެންނަށް އިސްލާމްދީނުގެ ހިދާޔަތު ދައްކަވާ، އެކަލާންގެއަށް އީމާންވާ މުސްލިމުންކަމުގައި ލައްވާފައި ކަމަށާއި އެދުވަހުން ފެށިގެން މި ލޮބުވެތި ފަސްގަނޑު މިވަނީ ސައްތައިން ސައްތަ ޠާހިރު އިސްލާމީ ފަސްގަނޑަކަށްވެފައި ކަމަށްވެސް މިއަދުގެ ޚުޠުބާގައި ވަނީ ބުނެފައެވެ.

އިޝްތިހާރު

މިއަދުގެ ހުކުރު ޚުޠުބާގައި އިތުރަށް ބުނީ މާތްﷲ މިދެއްވި ނިޢުމަތަށް އަޅުގަނޑުމެން ޝުކުރުކުރަންޖެހޭ ކަމަށާއި މިކަމަށްޓަކައި އަޅުގަނޑުމެންގެ ކާބަފައިންގެ ނަފްސާއި ނަފީސުން ޤުރުބާންވެފައި ކަމަށެވެ. އަދި އެމީހުންވަނީ މިދީން ރައްކާތެރިކަމާއެކު އަޅުގަނޑުމެންނާ ހަމައަށް ވާޞިލުކޮށްދީފައި ކަމަށެވެ.

”އަޅުގަނޑުމެންގެ ރާއްޖެ ސައްތައިން ސައްތަ އިސްލާމީ ޤައުމެއްގެ ގޮތުގައި ދެމިއޮތަ (ނުދިނުމަށް) އިއްޔެ މަސައްކަތްކުރިގޮަތަށް މިއަދުވެސް އެބަ މަސައްކަތްކުރޭ. މިއަދުވެސް އެ މަސައްކަތްކުރަނީ އިސްލާމްދީނުގެ ޢަދާވާތްތެރިންގެ ވާގިވެރިކަމާ ނަދަދު ހޯދައިގެން.“ ޚުޠުބާގައި ވަނީ ބުނެފައެވެ.

މާތްﷲ އަޅުގަނޑުމެންނަށް މިދެއްވި އިސްލާމީ ދީނުގެ ނޫރު ފަނޑުކޮށްލިޔަ ނުދިނުމަށް މަސައްކަތްކުރަން މިއަދުވެސް ޖެހިފައިވާ ކަމަށާއި ވަޠަނުގެ އަމްނާއި އަމާންކަމަކީވެސް މާތްﷲ ދެއްވާފައިވާ ނިޢުމަތެއްކަމަށްވެސް ޚުޠުބާގައި ވަނީ ބުނެފައެވެ. އަދި އަޅުގަނޑުމެންނަށް ލިބެމުންދާ ކުރިއެރުމާއި ތަރައްޤީގެ އަސާސަކީ އަޅުގަނޑުމެންގެ ޤައުމުގައި ފެތުރިފައިވާ އަމްނާއި އަމާން ކަމަށެވެ.