ގާދޫ ފުޓްސަލް ޗެލެންޖް: ތާވަޅޭ އެފްސީ ތަފާތު ބޮޑުކޮށް މޮޅުވިއިރު، ހޭޅި އެފްސީ މުބާރާތުގެ ފުރަތަމަ މޮޅު ހޯދައިފި

ލ. ފޮނަދޫ ޔޫތް އެސޯސިއޭޝަން (ފިޔަ) ޖަމްޢިއްޔާއިން އިންތިޒާމްކޮށްްގެން މިހާރު ފޮނަދޫ ގައި ކުރިޔަށް ގެންދާ “ ގާދޫ ފުޓްސަލް ޗެލެންޖް 2018″ ގައި މިއަދު ހަވީރު ކުޅުނު މެޗުތަކުން ހޭޅި އެފްސީ އާއި ތާވަޅޭ އެފްސީ މޮޅުވެއްޖެއެވެ.

މިއަދު ހަވީރު 16:10 ގައި ކުޅުނު ފުރަތަމަ މެޗުގައި ބައްދަލުކުރީ ތާވަޅު އެފްސީ އާއި ރޯޔަލް އެފްސީ އެވެ. މި މެޗު 0-12 ގެ ނަތީޖާއަކުން ކާމިޔާބު ކުރީ ތާވަޅޭއެފްސީއެވެ. މި މެޗުން ތާވަޅޭއެފްސީ މޮޅުވިއިރު މިއީ އެޓީމު މި މުބާރާތުގައި ޖެހިޖެހިގެން މޮޅުވި  ތިން ވަނަމެޗެވެ. އެހެން ކަމުން މިއަދުގެ މޮޅާއެކު މިވަގުތު ޖުމްލަ 9 ޕޮއިންޓާއި އެކު ތާވަލުގެ އެއްވަނާގައި އޮތީ ތާވަޅުއެފްސީއެވެ.  މި ނަތީޖާއާ އެކު އެޓީމަށް ވަނީ މުބާރާތުގެ ފައިނަލް ގާތްގަނޑަކަށް ޔަގީންވެފައެވެ. ތާވަޅު އެފްސީ އާއި ރޯޔަލް އެފްސީ ބައްދަލުކުރި މެޗުގެ މޮޅު ކުޅުންތެރިޔަކަށް ހޮވިފައިވަނީ ޖާޒީ ނަމްބަރ 10 އައިހަމް (އަމްބެ) އެވެ. އޭނާ ވަނީ މި މެޗުގައި ތަފާތު މޮޅު ކުޅުމެއް ދައްކާ މިއަދުގެ މެޗުގައި 5 ލަނޑު ވެސް ޖަހާފައެވެ. މިއީ މި މުބާރާތުގައި އޭނާ ކާމިޔާބުކުރި 7 ވަނަ ލަނޑެެވެ. އައިހަމް އިތުރުން ޖާޒީ ނަމްބަރ 11 އަބުދުﷲ ނަސީރުވެސް ވަނީ މިއަދުގެ މެޗުގައި 3 ލަނޑު ޖަހާ ހެޓްރިކް ހަދާފައެވެ. މިއީ އޭނާ މި މުބާރާތުގައި ކާމިޔާބުކުރި 8 ވަނަ ލަނޑުކަމަށް ވާއިރު މި މުބާރާތުގައި މިހާތަނަށް އެންމެ ގިނަ ލަނޑު ޖަހާފައި ވަނީ ވެސް ނަސީރުއެވެ.

އިޝްތިހާރު

މިއަދު ކުޅުނު ދެވަނަ މެޗުގައި ބައްދަލުކުރީ ހޭޅި އެފްސީ އާއި ޗެމްޕިއަން އެފްސީ އެވެ. މިމެޗު 2-4 ން ކާމިޔާބުކުރީ ހޭޅި އެފްސީ އެވެ. ހޭޅި އެފްސީ މިއަދުގެ މެޗުން މޮޅުވިއިރު، މިއީ އެޓީމު މި މުބާރާތުގައި ކުޅުނު  ދެވަނަ މެޗެވެ. މިއަދުގެ މެޗުގައި ހޭޅި އެފްސީގެ ލަނޑުތަށް ޖަހައިދީ ޖުނޭ އާއި ޝިފާޒް (ކަޅޭ)އެވެ.   އެހެން ކަމުން މިއަދު ކުޅުނު މެޗުން ލިބުނު މޮޅާއެކު މިވަގުތު ތާވަލުގެ ތިންވަނަ ގޯލުގެ ތަފާތުން ލިބެނީ ހޭޅި އެފްސީ އަށެވެ. އެޓީމަށް ތާވަލުގެ ތިންވަނަ ލިބެނީ ގޯލުގެ ތަފާތުންނެވެ. ޗެމްޕިއަން އެފްސީ މިއަދުގެ މެޗުން ބަލިވި ނަމަވެސް ގޯލުގެ ތަފާތުން އަދިވެސް ތާވަލުގެ ދެވަނަ ލިބެނީ އެޓީމަށެވެ. ތާވަލުގެ ހަތަރުވަނަ ޔަންގް ބޯއީސް އަށް ލިބޭއިރު، ކުޅުނު ތިން  މެޗުންވެސް ބަލިވެ ޕޮއިންޓެއް ނުލިބި ތާވަލުގެ އެންމެ ފުލުގައި އޮތީ ރޯޔަލް އެފްސީއެވެ. ބާކީ އެއް މެޗު ކުރިޔަށް އޮތްނަމަވެސް އެޓީމު މިހާރު ވަނީ މުބާރާތުން ކަޓާފައެވެ. ހޭޅި އެފްސީ އާއި ޗެމްޕިއަން އެފްސީ ބައްދަލުކުރި މެޗުގެ މޮޅު ކުޅުންތެރިޔަކަށް ހޮވިފައިވަނީ ހޭޅި އެފްސީގެ ޖާޒީ ނަމްބަރ 10 ޝިފާޒް (ކަޅޭ) އެވެ.

5ޓީމު ވާދަކުރާ މި މުބާރާތް ކުރިޔަށް ދާނީ ލީގު އުސޫލުން ނެއެވެ. އެގޮތުން ކޮންމެ ޓީމެއް ކޮންމެ ޓީމަކާއި ބައްދަލުކޮށް އެންމެ ގިނަ ޕޮއިންޓް ލިބޭ ދެޓީމެއް ފައިނަލް ކުޅޭ ގޮތަށެވެ.

މި މުބާރާތުގެ ފޯރިގަދަ ދެ މެޗު މާދަމާވެސް ކުޅޭނެއެވެ. މާދަމާ ހަވީރު 16:10 ގައި ކުޅޭ ފުރަތަމަ މެޗުގައި ބައްދަލުކުރާނީ ޔަންގް ބޯއީޒް އާއި ހޭޅި އެފްސީ އެވެ. މި މެޗަކީ ދެޓީމަށްވެސް ވަރަށް މުހިންމު މެޗެކެވެ. އެގޮތުން ފައިނަލުން ފުރުޞަތުން ހޯދުމަށް މި މެޗަކީ ދެޓީމަށްވެސް މޮޅުވުން މަޖުބޫރު މެޗެކެވެ. މި މެޗުން ބަލިވާ ޓީމަކަށް ފައިނަލުގެ ފުުރުޞަތު ގެއްލިގެން ދިއުން ގާތެވެ.

މާދަމާ ހަވީރު 17:00 ގައި ކުޅޭ ދެވަނަ މެޗުގައި ބައްދަލުކުރާނީ ތާވަޅޭ އެފްސީ އާއި ޗެމްޕިއަން އެފްސީ އެވެ. މި މެޗުން ޗެމްޕިއަން އެފްސީ ވެސް މޮޅެއް ހޯދަން މަޖުބޫރެވެ. މާދަމާގެ މެޗުން ބަލިވެއްޖެ ނަމަ ޗެމްޕިއަން އެފްސީއަށް ފައިނަލުގެ ފުރުސަތު ގެއްލުން ގާތެވެ.

އޮކްޓޫބަރ 8 ން 15 ވަނަ ދުވަހުގެ ނިޔަލަށް ކުރިއަށްދާ ”ގާދޫ ފުޓްސަލް ޗެލެންޖް 2018“ ފުޓްސަލް މުބާރާތަކީ ޒުވާނުންގެ ދެމެދު އޮތް ގުޅުން މިހާރަށްވުރެ ބަދަހިކުރުމުގެ ގޮތުން ބާއްވާ މުބާރާތެކެވެ.

ފިޔަ ޖަމްޢިއްޔާއިން އިންތިޒާމް ކޮށްގެން ބާއްވާ މި މުބާރާތުގައި 5 ޓީމަކުން ބައިވެރިވެއެވެ. މިއީ މިމުބާރާތް ބާއްވާ ފުރަތަމަ ފަހަރުކަމަށްވިޔަސް  ކޮންމެ އަހަރަކުވެސް މި މުބާރާތް މި ނަމުގައި ކުރިޔަށް ދާނެ ކަމުގައި ފިޔަ ޖަމިއްޔާއިން ވަނީ ބުނެފައެވެ.