ދަރިންގެ ތަރުބިއްޔަތަށް އިހުމާލުވެ، އަޅާނުލާނަމަ އެފަދަ ދަރިން ވެގެންދާނީ ހުންގާނު ނެތް އޮޑިއެއްފަދައިން…
ދަރިންގެ ތަރުބިއްޔަތަށް އިހުމާލުވެ، އަޅާނުލާނަމަ އެފަދަ ދަރިން ވެގެންދާނީ ހުންގާނު ނެތް އޮޑިއެއްފަދައިންކަމަށް މިއަދުގެ ހުކުރު ޚުޠުބާގައި ބުނެފިއެވެ.
’މުޖުތަމަޢުގެ ބާއްޖަވެރިކަމަށްޓަކައި މުރައްބީންގެ ދައުރު‘ މި މަޢުލޫއަށް ތައްޔާރުކޮށްފައިވާ މިއަދުގެ ހުކުރު ޚުޠުބާގައި ބުނީ ދަރިން އަބަދުވެސް ރިވެތި އަޚުލާޤާއި ހަރުދަނާ ސްލޫކުގެ ނަމޫނާއަކަށް ބަލާނީ އެކުދިންގެ މައިންބަފައިންނާއި އެދުރުންނާއި ޢާއިލާގެ ޤަދަރުވެރިމީހުން ކަމަށެވެ. އެހެންކަމުން ދަރިންނަށް ހެޔޮ ނަމޫނާ ދެއްކުމަކީ މިހުރިހާ ފަރާތެއްގެ ވާޖިބެއް ކަމަށެވެ.
މިފަދަ ފަރާތްތަކުގެ ޢަމަލިތައް މިއާ ޚިލާފަށް ބަހައްޓާނަމަ، އަދި މައިންބަފައިން ދަރިންގެ ތަރުބިއްޔަތަށް އިހުމާލުވެ، އަޅާނުލާނަމަ އެފަދަ ދަރިން ވެގެންދާނީ ހުންގާނު ނެތް އޮޑިއެއްފަދައިން ކަމަށާއި އަދިވާނީ ވަކިމިސްރާބެއް ވަކިލަނޑުދަނޑިއެއް ނެތް ދަރިއެއް ކަމަށްވެސް ޚުޠުބާގައި ވަނީ ބުނެފައެވެ. އަދި އެންމެފަހުން މަގުއޮޅި، އުއްމީދު ކެނޑި، މާޔޫސްވެފައިވާ ދަރީންނަށް އެފަދަ ދަރީން ވެގެންދާ އިރު، އޭގެ ނަތީޖާއަކަށްވާނީ ޖަރީމާތަކަށް އަރައިގަތުން ކަމަށްވެސް ވަނީ ބުނެފައެވެ.
މިލިޔުން ކިޔާލުމުން
