ތަރުބިއްޔަތަކީ އިންސާނާގެ ކުރިއެރުމަށް މަގުފަހިވާ ހުރިހާކަމެއް: ހުކުރު ޚުޠުބާ
ތަރުބިއްޔަތަކީ އިންސާނާގެ ކުރިއެރުމަށް މަގުފަހިވާ ހުރިހާކަމެއްކަމަށް މިއަދުގެ ހުކުރު ޚުޠުބާގައި ބުނެފިއެވެ.
އެ ޚުޠުބާގައި ބުނީ ތަރުބިއްޔަތުގެ މާނައަކީ ހަމައެކަނި ކާންބޯން ދިނުމާއި އުނުއަންނަން ދިނުމާއި ބަލިވީމާ ބޭސްފަރުވާކޮށްދިނުންފަދަ ދުނިޔަވީ ކަންކަން ނޫން ކަމަށެވެ. އަދި އޭގެ މާނަ މާފުޅާވެފައި މާތަނަވަސް ކަމަށެވެ.
މީގެ އިތުރުން ތަރުބިއްޔަތުގެ ތެރޭގައި ރޫޙާނީ، އަޚްލާޤީ މާތްތ ސިފަތަކާއި ރިވެތި އަދަބުތަކާއި އިޖުތިމާޢީ ރިވެތި އާދަތަކާއި މުޖުތަމަޢުގައި އޭނާގެ މުހިންމު ދައުރު އަދާކުރުމަށް ބޭނުންވާ އެންމެހާ ކަންކަން ހިމެނޭކަމަށްވެސް ޚުޠުބާގައި ބުނެފައިވެއެވެ. އަދި އެކަންކަމުގެ ސަބަބުން ހެޔޮލަފާ ޞާލިހް މުވާޠިނަކަށްވުމަށް މަގުފަހިވާނޭ ހުރިހާކަމެއްވެސް ތަރުބިއްޔަތުގެ ތެރޭގައި ހިމެނޭކަމަށްވެސް ވަނީ ބުނެފައެެވެ.
”މިފަދަ ތަރުބިއްޔަތުގެ އަހުލުވެރިންނަކީ ތެދުވެރި، އިޚްލާޞްތެރި، އަކެނުންނަށް އިޙްތުރާމްކޮށް، އެއުރެންދެކެ ލޯބިވާ މީހުން ކަމަށާއި ކުރާ ކޮންމެކަމެއް އެކަމެއް ކުރަން އޮންނަ އެންމެ ރަނގަޅުގޮތަށް ކުރަން ދަންނަ އަދި އެގޮތަށް ޢަމަލުކުރާނެ“ ޚުޠުބާގައި ވަނީ ބުނެފައެވެ.
މިލިޔުން ކިޔާލުމުން
